केन्द्र र प्रदेश सरकारले बेवास्ता गर्न थालेपछि रोल्पाले आफ्नै पिसिआर मेसिन किन्ने

केन्द्र र प्रदेश सरकारले पिसिआर परीक्षणमा बेवास्ता गर्न थालेपछि रोल्पाका स्थानीय तहहरुले आफ्नै खर्चमा पिसिआर परीक्षण मेसिन किन्ने तयारी सुरु गरेका छन् । केन्द्र र प्रदेश मातहतका प्रयोगशालाले दुर्गम रोल्पाका स्वाब परीक्षणमा चासो दिन छोडेपछि यहाँका जनप्रतिनिधिहरुले आफै मेसिन किन्ने विषयमा छलफल सुरु गरेका हुन् । सोमबार भेरी अस्पताल प्रमुखले रोल्पाका चिकित्सकलाई स्वाब फिर्ता लैजान भनेका थिए । नजिकमा रहेका प्रयोगशालाले वास्ता गर्न छोडेपछि स्वाब परीक्षणका लागि कहाँ पठाउने भन्ने अन्यौल थपिएको हो ।

‘भेरी अस्पतालले स्वाब नल्याउनु भन्यो । राप्ती स्वास्थ्य बिज्ञान प्रतिष्ठानले फोन रेस्पोन्स नगर्ने तथा कतिपय नम्बर ब्लयाक लिस्टमा राख्न थाल्यो । बुटवल अस्पतालले पनि सकिदैन भने पछि नमुना स्वाब काठमाडौ पठाउदै छौ ।’ सुनिलस्मृती गाउँपालिकाका अध्यक्ष गुणेन्द्र घर्तीले भने ‘केन्द्र र प्रदेश सरकारले परीक्षणमा खासै रेस्पोन्स गरेनन् । जिल्लामै मेसिन किन्ने बिषयमा छलफल सुरु भएको छ । रोल्पा नगरपालिका, सुनछहरी, माडि र लुङग्री गाउँपालिका अध्यक्षसंग छलफल गर्दा किनौ भन्ने कुरा भयो । अरु पालिका संग पनि कुरा हुँदै छ । कतिदिन अरुको मुख ताक्ने ।’

प्रदेश भरिका सबै जिल्लालाई बराबर प्राथमिकतामा राखेर परीक्षण तथा उपचार गर्ने जिम्मा र आर्थिक सहयोग पाएका अस्पतालहरुको भुमिका गतिलो नभएपछि अन्योलता थपिएको छ । केन्द्र र प्रदेश सरकारले दिने आर्थिक सहयोग प्रयाप्त लिएका भेरी अस्पताल, बुटवल अस्पताल र राप्ती स्वास्थ्य बिज्ञान प्रतिष्ठानहरु जहाँ स्थापना भएका छन त्यहि जिल्लाका लागि मात्र खुलेको जस्तो ब्यवहार गरेको रोल्पालीको गुनासो छ ।

‘हामिले परीक्षणका लागि तिन ठाउँमा पठायौ तर उताबाट जाच गर्न सक्दैनौ भने पछि आफै मेसिन किन्नु पर्छ भन्ने कोणबाट छलफल भईरहेको छ ।’ रोल्पा नगरपालिकाका प्रमुख पुर्ण केसिले भने ‘पिसिआर परीक्षणका लागि भिटिएम किन्ने, स्वाब लिने अनि प्रयोगशाला सम्म पुर्‍याउने काम स्थानीय तहले गरिरहेका छौ तर केन्द्र र प्रदेश सरकारले जाँचसम्म पनि गरिदिएको छैन । प्रदेश र केन्द्र सरकार जिम्मेवारीबाट पन्छिएपछि आफै मेसिन किन्नुको बिकल्प देखिएन ।’ उनका अनुसार प्रदेश र संघका प्रयोगशालाहरु जहाँ स्थापना भए उहि जिल्लाका जस्ता भएका छन् ।

भारतबाट आउनेहरुलाई सिमानामा पुगेर स्थानीय तहहरुले जिल्ला भित्र्याएका छन् । उनिहरुलाई खाना र आवाससहित क्वारेन्टिनमा राख्ने अनि परीक्षणका लागि स्वाब पठाउने लगायतका सबै काम भईरहेको छ । तर केन्द्र र प्रदेश सरकारले जिल्लाहरुलाई कुनै प्रकारको सहयोग नगरेको जनप्रतिनिधिको गुनासो छ । ‘प्रदेश र केन्द्रले खासै रेस्पोन्स नगरेपछि आफै किन्नु पर्छ भन्नेमा छौ । स्वाब कहाँ पठाउने भन्ने अन्यौल भईसक्यो ।’ गंगादेब गाउँपालिकाका अध्यक्ष बिरबहादुर खत्रलिे भने ‘रोल्पाबाट स्वाब काठमाडौ वा बाहिरी जिल्ला पठाउने र यता उति गर्ने खर्चले त मेसिन नै आउने देखिएको छ ।’

प्रदेश न. ५ का सांसद दिपेन्द्रकुमार पुन प्रत्येक जिल्लामा पिसिआर परिक्षणको सुरुवात गर्नु पर्ने बताउछन् । ‘अहिलेलाई निकै समस्या भयो । हामि आफैले स्थापना गर्‍यौ भने सहज हुन्छ ।’ पुन भन्छन् ‘यहाँ स्वाब निकालेर बाहिर पठाईरहने खर्चले त मेसिन पनि आउन सक्ने देखियो । बाहिर रहेका प्रयोगशालाहरुले रोल्पाको गतिलो रेस्पोन्स पनि गरेको देखिएन ।’ उनका अनुसार रोल्पामा आफै मेसिन किन्ने बारेमा छलफल निकै अगाडि बढेको छ ।

आफुले स्थापना गरेका प्रयोगशालामा परीक्षण गराउन नसक्ने भएपछि जिल्लामा मेसिन खरिद गर्दा प्रदेश सरकारले पनि सहयोग गर्नु पर्ने देखिन्छ । जिल्ला बिपद ब्यस्थापन समितिका प्रमुख तथा प्रमुख जिल्ला अधिकारी नरेन्द्र कुमार रानाले ५ न. प्रदेशमा रहेका दाङ, बुटवल र नेपालगञ्जले धान्न नसक्ने प्रतिकृया दिए पछि जिल्लामा नै मेसिन ल्याउने विषयमा छलफल अगाडी बढेको बताए । ‘यसका लागि एकदुई दिनमा जिल्ला बिपद ब्यस्थापन समितिको बैठकको तयारी भईरहेको छ ।’

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…