एमसिसिबारे प्रचण्डको चट्टानी अडान, संशोधन नगरी कदापी पारित गर्नुहुँदैन

काठमाडौं । नेपाल कम्युनिष्ट पार्टी (नेकपा) का अध्यक्ष प्रचण्डले यथास्थितिमा एमसीसी सम्झौता पारित गर्न नसकिने बताएका छन् ।

सरकारले एमसीसी सम्झौता पालना गर्न प्रयास गरिरहेको सन्दर्भमा अध्यक्ष प्रचण्डले भने सम्झौताका कतिपय बुँदा राष्ट्रिय हित विपरित भएकोले संशोधन आवश्यक भएको बताएका हुन् ।

“हाम्रो अडान कायमै छ ।” खबरडबलीसँग कुराकानी गर्दै अध्यक्ष प्रचण्डले भने, “सहयोग नलिन भनेका छैनौँ तर नेपालको हित नहुने र राष्ट्रियष् सार्वभौमसत्ता तथा अखण्डतासँग जोडिएका कतिपय प्रावधान संशोधन गर्नुपर्छ ।”

यसअघि सरकारले एमसिसी सम्झौतालाई अगाडि बढाउन खोजेपनि नेकपाले झलनाथ खनालको नेतृत्वमा अध्ययन समिति गठन गरेको थियो । समितिले अहिलेकै अवस्थामा एमसिसी सम्झौता नेपालको हितमा नरहेको निष्कर्श बहुमतले निकालेको थियो ।

सरकारले बजेटमा समेत एमसिसीसँग जोडिएका कतिपय योजना समावेश गरेपछि व्यवस्थापिका संसदमा यसबारेमा बहस चलेको थियो ।

अध्यक्ष प्रचण्डले भने सरकारले पार्टीको निर्देशनविपरित पारित गराउन नसक्ने र त्यसो गरिएमा बिरोध गरिने बताए ।

“यथास्थितिमा स्वीकार गर्न नसकिने कुरा पार्टीले गठन गरेको समितिले गरेको छ ।” उनले भने, “सरकारले यसरी जाँदैन भन्न हाम्रो विश्वास हो । यदि सरकारले पार्टीको निर्णयविपरित एमसिसीलाई अगाडि बढाएमा संशोधन प्रस्ताव दर्ता गरिन्छ ।” यद्यपी यो अवस्था भने अहिले नरहेको उनले बताए ।

एमसिसीकै बारमा निश्कर्षमा पुग्न प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष प्रचण्डबीच पछिल्लो दिनमा छलफल भने भइरहेको छ । तर प्रचण्डले भने दुबै अध्यक्षबीच छलफल भन्दा पनि सचिवालयको बैठक बोलाएर यसबारेमा छलफल गरी निश्कर्षमा पुग्नुपर्ने अडान लिएका छन् ।

“प्रधानमन्त्रीले दुबै अध्यक्षबीच सहमति कायम गरेर सचिवालयमा जाउँ भनेर भन्नुभएको छ ।” प्रचण्डले भने, “मेरो मत भने सचिवालय र स्थायी समितिमा यो विषय छलफल गरेर निश्कर्षमा पुगौं भन्ने हो ।”

एमसिसीका बारेमा सचिवालयकै निर्णयले गठन भएको समितिमा नै विवाद भएको र बहुमतले यथास्थितिमा पारित गर्न नहुने बताएपछि प्रधानमन्त्री ओलीले भने यस विषयमा सचिवालय र स्थायी समितिमा छलफल गर्न नचाहेको देखिन्छ ।

नेपालमा भित्रिने वैदेशिक सहायताको मोडालिटी, त्यसका प्राथमिकता, क्षेत्र तथा सहयोग अन्तर्गत दातृ निकाय र नेपाल सरकारका निकायबीच हुने सम्झौता शक्ति बाँडफाँड, कार्यक्षेत्र, दायित्व जस्ता विषयमा सरकारले बेग्लै कानुन निर्माण गर्नुपर्ने अध्यक्ष प्रचण्डको भनाई छ । नेपालमा अहिले पनि थुप्रै सहयोगहरु शर्तसहित रहेको र कतिपय सहयोगहरु दोहोरिने र प्रभावकारी नहुने अवस्था रहेको भन्दै अध्यक्ष प्रचण्डले वैदेशिक सहायताका बारेमा स्पष्ट नीति र कानुन बन्नुपर्ने बताएका हुन ।

एमसिसीका बारेमा विवाद उठेपछि यसले राष्ट्रिय बहस लिएपछि सम्झौताका प्रावधानहरु सार्वजनिक भएका थिए । यद्यपी नेपालमा भित्रिने वैदेशिक सहायताका यस्ता प्रावधान अन्य सम्झौताका हकमा भने सार्वजनिक बहसको विषय बनेका छैनन ।

सरकारले वैदेशिक सहायता नीति निर्माण गरेको भए पनि त्यसले वैदेशिक सहायताका सबै पक्षलाई समेटेको भने छैन ।

अमेरिकी सरकारको इण्डो प्यासिफिक रणनीतिलाई सहयोग पुर्‍याउने गरी मिलेनियम च्यालेन्ज कर्पोरेसन नाम दिएर नयाँ सहायता रणनीति तयार भएको हो । नेपालसँग सम्झौता सम्पन्न भएपनि यो सम्झौतालाई संसदले पारित गर्नुपर्ने प्रावधान रहेको छ ।

एमसीसी सम्झौताका कतिपय प्रावधानहरुले नेपालको सार्वभौमसत्तामा असर पार्ने भन्दै यसको बिरोध भएको छ । खासगरी सम्झौताका प्रावधानहरुले नेपाल राष्ट्रको पक्ष कमजोर हुने र अमेरिकी सरकारको पक्ष बलियो हुने बताइएको छ । आयोजना अन्तर्गत हुने कार्यक्रमको भौगौलिक क्षेत्र, आयोजना कार्यान्वयनका लागि निर्माण हुने संयन्त्र र संरचना, आयोजनाको भारतसँग सम्बन्ध, लेखा प्रणाली, निर्णय प्रक्रिया जस्ता विषयले नेपालको राष्ट्रिय हितमा गम्भीर असर पर्ने भन्दै नेकपाभित्र समेत यसको चर्को बिरोध हुँदै आएको छ ।

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…