भारतीय पूर्वराजदूत रञ्जित रेले लगाए गम्भीर आरोप : ‘चिनियाँ कार्डमा ओलीले सत्ता टिकाइराखे’

काठमाडौं । नेपालका लागि भारतीय पूर्वराजदूत रञ्जित रेले नेपालमा चिनियाँ प्रभाव बढेको र यसलाई भारतले तोड्नु पर्ने बताएका छन् । भारतीय पत्रिका दी प्रिन्टसँगको अन्तर्वार्ता दिँदै उनले पछिल्लो समय नेपालमा चिनियाँ भूमिका बढ्दै गएकोप्रति भारत सचेत रहनु पर्ने बताए ।

‘नेपालसँगको व्यापार, लगानी र कनेक्टिभिटीका परियोजनासहित चीन नेपालको आन्तरिक राजनीतिमा पनि चासो बढ्दै गएको छ’, उनले भनेका छन् ।

आफ्नै पार्टीभित्र अल्पमतमा नेपालका प्रधानमन्त्री केपी शर्मा ओलीले चिनियाँ कार्डमा सत्ता टिकाइराखेको आरोप लगाउँदै पूर्वराजदूत रेले भने, ‘प्रधानमन्त्री ओली पार्टीभित्रैबाट र विभिन्न मुद्दाहरुमा अलोकप्रिय भइरहेका बेला उनले चिनियाँ कार्ड प्रयोग गरेर आफ्नो सत्ता बचाएको स्पष्ट देख्न सकिन्छ ।’

नेपालमा विकसित चिनियाँ कार्डलाई अन्त्य गर्न आवश्यक रहेको भन्दै पूर्वराजदूत रेले भने, ‘नेपालको ’पूर्वनिर्धारित स्थिति’ भनेको कि त भारतविरोधी भावना र अर्को भनेको चिनियाँ कार्डको प्रयोग हो । यो दुवै कुरालाई नेपालबाट अन्त्य गर्नुपर्छ ।’

नेपालको अतिक्रमित भूमिलाई समेटेर भारतले आफ्नो राजनीतिक नक्सा जारी गरेपछि दुई देशबीचको सम्बन्धमा चिसोपना बढिरहेका बेला उनको सो अभिव्यक्ति आएको हो ।

गत नोभेम्बर २ मा भारतले नेपालको लिम्पियाधुरा, कालापानी र लिपुलेकलाई समेटेर नक्सा जारी गरेको थियो । यसपछि नेपालले पटक पटक वार्ताको मितिसमेत तोकेर पठाउँदा बेवास्ता गर्दै आएको भारतले मे ८ मा सो क्षेत्रमा बनाएको बाटो नै उद्घाटन गरेपछि नेपालले पनि आफ्नो राजनीतिक तथा प्रशासनिक नक्सा अद्यावधिक गरेको छ ।

भर्खरै प्रकाशित

रेम्डिसिभिर तोकेको मूल्यभन्दा सस्तोमा दिएपछि तस्करहरूको दवावमा औषधि बिक्रीमा रोक

घोराही । दाङ जिल्लामा मिलेनियम फर्मास्युटिकल र कालिका मेडिकल हलले कोरोना संक्रमितको उपचारमा प्रभावकारी मानिएको रेम्डिसिभिर औषधि सस्तोमा दिएको भन्दै विक्री वितरणमा औषधि व्यवस्था विभागको…

जसपाका चार सांसदलाई कारवाही गर्ने निर्णय कार्यान्वयन नगर्न आदेश

काठमाडौं । सर्वोच्च अदालतले लुम्बिनी प्रदेशसभाका तत्कालीन चार सदस्यलाई कारवाही गर्ने निर्णय तत्काल कार्यान्वयन नगर्न आदेश जारी गरेको छ । न्यायाधीश नहकुल सुवेदीको एकल इजलासले…

एउटै दुलहीलाई लिन २ दुलाहा पुगेपछि हंगामा, एक प्रेमी अर्का…

भारतको उत्तर प्रदेशमा रहेको कन्नौजमा चलिरहेको एक विवाह समारोहमा दुलही लिन एकैपटक दुईजना दुलाहा पुगेपछि हंगामा मच्चिएको छ । ती दुईमध्ये एक दुलहीका प्रेमी थिए…

दाङको कोरोना विशेष अस्पताल : जहाँ तन्नेरीहरुले मात्रै धानेका छन्…

द्रोण वली उमेरले ३१ वर्ष पुग्नुभयो । अहिले कोरोना विशेष अस्पतालको व्यवस्थापनमा खटिरहनुभएको छ । कहिले अक्सिजन व्यवस्थापन, कहिले संक्रमित भर्ना, कहिले त्यहा आउने आफन्तिहरुका…

अक्सिजन प्लान्ट खरिदमा व्यापक अनियमितता : अक्सिजन प्लान्ट भनेर ४९…

सल्यान । जिल्ला अस्पताल सल्यानमा जडान गरिएको अक्सिजन प्लान्ट खरिदमा व्यापक अनियमितता भएको खुलासा भएको छ । शनिबार अस्पतालमा अक्सिजन प्लान्ट भनेर कन्सन्ट्रेटर जडान भएपछि…