कतारमा कसरी ह्वात्तै बढ्याे कोरोना भाइरसबाट निको हुनेको संख्या ?

केही दिन यतादेखी कतारमा कोरोनाभाइरसको बिरामीको संख्या ह्वात्तै उकालो लाग्दा धेरैमा शंका उब्जेको छ । अझ भनौं भाइरस पोजेटिभ देखिएपनी अस्पतालले बिरामीलाई लगालग १४ दिनपछि डिस्चार्ज दिईरहेको छ । कतारमा आज सम्म कोरोना भाइरस बाट कुल संक्रमितका आधा भन्दा बढी बिरामी निको भएर घर फर्कीसकेका छन् ।

अस्पतालले किन यसरी बिरामीलाई डिस्चार्ज गर्दैछ?

अस्पतालले बिरामीलाई डिस्चार्ज दिएपनी त्यसको कारण भने राम्रै रहेको छ । कतारले उपचारमा नयाँ विधि अपनाउदै बिरामीको नतिजा दुई हप्ता पछि पनि पोजेटिभ आए डिस्चार्ज दिन थालेको हो । भाइरस बारे पछिल्लो विश्व अध्ययन अनुसार नितिजा आएको १० दिनमा यो निकै कमजोर भएर जान्छ र त्यो अरुमा सर्ने सम्भावना पनि शुन्यमा झर्ने हमाद अस्पतालले बताएको छ ।

अस्पतालले अपनाएको नयाँ नीति पछिल्लो वैज्ञानिक अध्ययनको आधारमा अमेरिका तथा यूरोपियन रोग नियन्त्रण केन्द्र र विश्व स्वास्थ्य संगठनको मार्गदर्शन अनुसार रहेको हमाद अस्पतालले जानकारी दिएको छ ।

“एउटा स्वास्थ्य मानिसमा १० दिन भित्र भाइरस कमजोर भएर जान्छ र त्यो अरुमा सर्दैन”, हमाद अस्पतालको भाइरोलोजी विभागका प्रमुख डाक्टर पितर कोयलेले बताएका छन् । हामीले अझै यो मार्गदर्शनलाई बढाएर बिरामीलाई १४ दिनमा मात्र डिस्चार्ज दिने निर्णय गरेका छौं । १४ दिनपछि पनि नतिजा पोजेटिभ आउनु कमजोर भाइरस वा मरेको भाइरसको टुक्रा देखिनुको कारण रहेको उनले बताए ।

यद्यपि बिरामीलाई अझै १४ दिन सम्म घरमै क्वारेन्टाइनमा बस्न,डाक्टरले दिएको निर्देशन पालना गर्न,औषधी सेवन गर्न र एह्तेराज एप अनिवार्य रुपमा प्रयोग गर्नुपर्ने सल्लाह अस्पतालले दिएको छ ।

१४ दिनमा डिस्चार्ज दिने नीति लक्षण नदेखिएको सामान्य बिरामीमा मात्र लागू हुने अस्पतालले भनेको छ । भाइरसको लक्षण अझै देखा परेका र रोगले च्यापेका बिरामीहरुलाई भने अस्पतालले डिस्चार्ज नगरी उपचार जारी राख्नेछ ।

यसअघि बिरामी अस्पताल वा आइसोलेसन केन्द्रबाट दुई वटा पीसिआर नतिजा आएपछि १४ दिन भन्दा बढीमा मात्र डिस्चार्ज हुने गर्दथे । अस्पतालको यो नयाँ नीति ले बिरामी घर फर्केर सामान्य जीवनमा चाडै फर्कन मद्दत पुग्ने अस्पतालले विश्वास गरेको छ । क्युएनखबर 

भर्खरै प्रकाशित

रेम्डिसिभिर तोकेको मूल्यभन्दा सस्तोमा दिएपछि तस्करहरूको दवावमा औषधि बिक्रीमा रोक

घोराही । दाङ जिल्लामा मिलेनियम फर्मास्युटिकल र कालिका मेडिकल हलले कोरोना संक्रमितको उपचारमा प्रभावकारी मानिएको रेम्डिसिभिर औषधि सस्तोमा दिएको भन्दै विक्री वितरणमा औषधि व्यवस्था विभागको…

जसपाका चार सांसदलाई कारवाही गर्ने निर्णय कार्यान्वयन नगर्न आदेश

काठमाडौं । सर्वोच्च अदालतले लुम्बिनी प्रदेशसभाका तत्कालीन चार सदस्यलाई कारवाही गर्ने निर्णय तत्काल कार्यान्वयन नगर्न आदेश जारी गरेको छ । न्यायाधीश नहकुल सुवेदीको एकल इजलासले…

एउटै दुलहीलाई लिन २ दुलाहा पुगेपछि हंगामा, एक प्रेमी अर्का…

भारतको उत्तर प्रदेशमा रहेको कन्नौजमा चलिरहेको एक विवाह समारोहमा दुलही लिन एकैपटक दुईजना दुलाहा पुगेपछि हंगामा मच्चिएको छ । ती दुईमध्ये एक दुलहीका प्रेमी थिए…

दाङको कोरोना विशेष अस्पताल : जहाँ तन्नेरीहरुले मात्रै धानेका छन्…

द्रोण वली उमेरले ३१ वर्ष पुग्नुभयो । अहिले कोरोना विशेष अस्पतालको व्यवस्थापनमा खटिरहनुभएको छ । कहिले अक्सिजन व्यवस्थापन, कहिले संक्रमित भर्ना, कहिले त्यहा आउने आफन्तिहरुका…

अक्सिजन प्लान्ट खरिदमा व्यापक अनियमितता : अक्सिजन प्लान्ट भनेर ४९…

सल्यान । जिल्ला अस्पताल सल्यानमा जडान गरिएको अक्सिजन प्लान्ट खरिदमा व्यापक अनियमितता भएको खुलासा भएको छ । शनिबार अस्पतालमा अक्सिजन प्लान्ट भनेर कन्सन्ट्रेटर जडान भएपछि…