चीनसँग युद्धका लागि तयार रहन भारतलाई अमेरिकी सुरक्षा विशेषज्ञले दिए चेतावनी

रणनीतिक तथा अन्तर्राष्ट्रिय सुरक्षा विशेषज्ञ एश्ले जे टेलिसले भारत र चीनबीच लद्दाखमा आमनेसामनेको स्थिति सशस्त्र संघर्षमा परिणत हुने आशंका व्यक्त गरेका छन् ।

उनले इन्डिया टुडेसँगको एक अन्तर्वार्तामा भने, ‘भारतसँग सीमामा विभिन्न क्षेत्रमा भएका चिनियाँ काम स्थानीय स्तरमा गरिएको हैन भन्ने स्पष्ट छ । स्थानीय कमान्डरहरूले यसलाई भड्काएका हैनन् ।’

‘यी सैन्य कारवाहीहरू थिएटर (युद्धभूमि) स्तरमै स्वीकृति दिइएका हुन् र यसका लागि बेइजिङमा शीर्ष नेतृत्वको हरियो झण्डा देखाएकै हुनुपर्छ ।’

उनले थपे, ‘भारत र चीनबीच कुराकानी चलिरहेको छ । पहिलो कोशिश वार्ताकै हुनुपर्छ भन्नेमा म स्पष्ट छु । तर भारतले सैन्य रूपमा पनि सतर्क हुनुपर्छ । स्थितिको गम्भीरता बढ्ने पूर्वानुमान पनि भारतले गर्नुपर्छ र स्थिति गम्भीर हुँदा चीनको प्रतिष्ठा र स्वार्थमा यसले कत्तिको हानि गर्छ भन्ने विषयमा सोच्न चिनियाँहरूलाई बाध्य बनाउनुपर्छ ।’

लद्दाख क्षेत्रमा चिनियाँ सैनिकहरूको गतिविधि चीनले आफ्नो फाइदाका लागि यथास्थितिलाई बदल्ने प्रयास हो भनी टेलिसले बताए ।

अमेरिकाका राष्ट्रपति डोनल्ड ट्रम्पले भारत र चीनबीच मध्यस्थता गर्ने प्रस्ताव राखेको भए पनि त्यसले काम नगर्ने टेलिसको भनाइ छ ।

उनले भने, ‘ट्रम्प जे भन्छन् र गर्छन् त्यसलाई बुझ्न गाह्रो छ । तर शान्तिदूत बन्ने सम्भावनाले उनलाई बारम्बार लोभ्याउँछ । म उनको मध्यस्थता प्रस्तावलाई गम्भीर रूपमा लिन्नँ । उनले आवेगमा प्रतिक्रिया दिएका हुन् जस्तो लाग्छ ।’

नयाँ दिल्ली र बेइजिङबीच कुराकानी भएमा विवाद समाधानमा सहायता पुग्ने टेलिसको भनाइ छ । उनले भने, ‘तर चीनलाई एकतर्फी रूपमा धरातलीय यथार्थ बदल्ने अनुमति दिन सकिँदैन किनकि विवादित क्षेत्रहरूमा सैनिक र सैन्य सामग्री बढाएर उसले फर्स्ट मुभमेन्टको फाइदा उठाइसकेको छ ।’

चीनलाई लद्दाख क्षेत्रमा जस्ताको त्यस्तै जवाफ फर्काउनु भारतको एक विकल्प भएको टेलिसको कथन छ ।

भर्खरै प्रकाशित

जात थाहा पाएपछि कोठा नदिने घरबेटीविरुद्ध रूपा सुनारले प्रहरीमा दिइन्…

तल्लो जातको भन्दै कोठा भाडा नदिएको घरबेटीविरुद्ध सञ्चारकर्मी रूपा सुनारले प्रहरीमा जाहेरी दिएकी छिन् । संचारकर्मी सुनारले तल्लो जात भन्दै कोठा भाडा नदिएकी काठमाडौं महानगरपालिका–…

युरोपको एउटा ‘फुच्चे’ देश कसरी फुटबलको महाशक्ति बन्यो ?

खेलकुदको दुनियाँमा यो ठूलो उपलब्धिमध्येको एक हो । यस ग्रहकै सबैभन्दा लोकप्रिय खेलमा कसरी एउटा सानो देश पहिलो वरीयताको टोली बन्यो ? मात्र १ करोड…

उत्तर कोरियामा लाग्दैछ भोकमरी, प्रतिकेजी केराको मूल्य ४५ डलर

पछिल्ला केही दिनयता उत्तर कोरियाली नेता किम जोङ उनका विभिन्न तस्बिरहरू अन्तर्राष्ट्रिय सञ्चारमाध्यममा आइरहेका छन्। किमले अन्तर्राष्ट्रिय राजनीतिमा केही असर पर्ने काम गरेकाले उनका तस्बिर…

प्रहरीले छानविन गर्न थालेपछि माफी मागिन् ज्वाला सङ्ग्रौला

ट्राफिक प्रहरीले लाइसेन्स माग्दा रंगभेदी दुर्व्यवहार गर्ने ज्वाला सङ्ग्रौला र उनको समूहविरुद्ध मु’द्दा चलाउन प्रहरीले छानविन अघि बढाएको छ । आफूलाई सामाजिक अभियन्ता दाबी गर्ने…

‘एक्स ९’मा सुनिल सेट्टीलाई अफर, अनमोलसँग होला पर्दा शेयर ?

चलचित्र ‘लप्पन छप्पन र लप्पन छप्पन २’का निर्देशक मुकुन्द भट्टले निर्देशन गर्न लागेको तेश्रो चलचित्र ‘एक्स ९’का लागि बलिउड नायक सुनिल सेट्टीलाई अफर गरिएको छ…