भारतीय पत्रिकामा अन्तर्वार्ता दिँदै परराष्ट्रमन्त्री ज्ञवालीले भारतलाई भने-‘कालापानी छाडेर जाऊ

काठमाडौं। परराष्ट्रमन्त्री प्रदीप ज्ञवालीले भारतकै अन्तर्राष्ट्रिय स्तरको अखबारलाई दिएको अन्तरवार्तामा भारतीय सेनाले कालापानी छाड्नुपर्ने बताएका छन् ।

भारतको अंग्रेजी दैनिक द हिन्दूलाई दिएको अन्तरवार्तामा परराष्ट्रमन्त्री ज्ञवालीले सीमा विवाद वार्ताको माध्यमबाट समाधान गर्नुपर्नेमा जोड दिए । द हिन्दूका लागि केल्लोल भट्टाचार्जीले लिएको अन्तरवार्ता द हिन्दूको अनलाइन संस्करणमा बुधबार प्रकाशित गरिएको छ ।

अन्तरवार्ताका क्रममा परराष्ट्रमन्त्री ज्ञवालीले ऐतिहासिक दस्तावेजका आधारमा कालापानी, लिपुलेक र लिम्पियाधुरा नेपालकै भएको प्रमाणित हुने दावी गर्दै यो भूमि नेपाललाई फिर्ता दिएर जान भारतलाई आग्रह गरेका छन् ।

यो पुरानो विवाद भारतले नै बल्झाएको परराष्ट्रमन्त्री ज्ञवालीले बताए । भारतले नयाँ राजनीतिक नक्सा जारी गरेर यो विषय बल्भलाएको परराष्ट्रमन्त्री ज्ञवालीले बताए ।

दुई देशका प्रधानमन्त्रीस्तरबाट सहमति भएर बनेको विदेश सचिवस्तरीय संयन्त्रको बैठकका लागि मिति तोक्न नेपालले गरेको प्रस्तावलाई पनि भारतले बेवास्ता गरेको परराष्ट्रमन्त्री ज्ञवालीले आरोप लगाए ।

भारतले नेपालका राजदूतलाई उच्च तहको भेट दिन अस्वीकार गरिएको विषयमा सोधिएको प्रश्नमा ज्ञवालीले त्यस्तो अवस्था सिर्जना नभएको बताएका छन् ।

उनले भनेका छन्, ‘हाम्रो राजदूतको भारतीय अधिकारीसँगको भेटघाटको सन्दर्भमा केही मिडियामा आएको जस्तो परिस्थिति भएको होइन ।’

स्मरणीय छ परराष्ट्रमन्त्री ज्ञवालीको अन्तरवार्ता प्रकाशित भएकै दिन भारतीय प्रधानमन्त्री नरेन्द्र मोदीले नेपालका प्रधानमन्त्री केपी शर्मा ओलीसँग टेलिफोनमा कुरा गर्न अस्वीकार गरेका छन् ।

नेपालले आफ्नो संविधान संशोधन गर्न लाागेकोबारे सोधिएको प्रश्नमा परराष्ट्रमन्त्री ज्ञवालीले संविधान जमिनको आधारभूत कानुन भएकोले संशोधन गर्न लागिएको जवाफ दिएका छन् ।

भर्खरै प्रकाशित

नासालाई मंगल ग्रहमा दोस्रो सफलता : मंगल ग्रहमा पहिलो पटक…

एजेन्सी, ९ बैशाख । अमेरिकी अन्तरिक्ष निकाय नासालाई मंगल ग्रहमा दोस्रो सफलता हात परेको छ । नासाले मंगल ग्रहमा पठाएको पर्सिभेरेन्स नामक यानमा रहेको एक…

चौबीस घण्टामा ९ वर्षमुनिका ५१ बालबालिका संक्रमित

काठमाडौं । पछिल्लो चौबीस घण्टामा ९ वर्षमुनिका ५१ जना बालबालिका र १९ वर्षसम्मका १८८ किशोर किशोरी संक्रमित भएका छन् । थपिएका संक्रमितमध्ये २० देखि २९…

अर्को व्यवस्था नभएसम्मका लागि पशुपति दर्शनमा रोक

काठमाडौँ । पशुपति क्षेत्र विकास कोषले अर्को व्यवस्था नभएसम्मका निम्ति सर्वसाधारणका लागि पशुपतिनाथ दर्शनमा रोक लगाएको छ । कोरोना भाइरस फैलिन नदिन उक्त निर्णय गरेको…

आकाशबाट प्लास्टिकको वर्षा

मानिसले पृथ्वीलाई प्रदूषित बनायो । आकाश बाँकी थियो । तर, अब नयाँ शोधले के देखाएको छ भने मनुष्यले आकाश पनि बाँकी राखेका छैनन् । आकाश…

माधव नेपालप्रति संकेतगर्दै ओलीले भने, गल्ती महसुस गरेर आए पार्टीमा…

नेकपा एमालेका अध्यक्षसमेत रहेका प्रधानमन्त्री केपी शर्मा ओलीले गल्ती महसुस गरेर आए पार्टीमा काम गर्ने अवसर दिइने बताएका छन्। पार्टीमा समानान्तर गतिविधि अगाडि बढाइरहेका नेता…