किन हट्यो संविधान संशोधन प्रस्ताव संसदको कार्यसूचीबाट ? भारतीय मिडियामा छायो खुशियाली

नेपाली कांग्रेसले समय माग गरेपछि लिम्पियाधुरा, लिपुलेक र कालापानी क्षेत्र समेटिएको नेपालको नक्शा संविधानको अनुसूचीमा समेट्ने गरी संविधान संशोधन प्रस्ताव संसदको कार्यसूचिबाट हटाएपछि भारतीय मिडियाहरु यसमा मोदी सरकारको कुटनीतिक जित भएको दावी गर्न थालेका छन्।

नेपाली कांग्रेसले भारतको पहलमा संविधान संसोदनलाई रोक लगाएको भन्दै भारतीय मिडियामा खुशियाली छाएको छ। ‘नक्से विवादमे पिछे हटा नेपाल’ जस्तो भ्रामक शिर्षक राख्दै भारतीय मिडियाहरु प्रचार गरिरहेका छन्।

संविधान संसोदनको संभावित कार्यसूचीमा तय भएको सो प्रस्ताव बुधबारको प्रतिनिधि सभा बैठकमा पेश नै नगरी हटाइएको थियो ।

प्रतिनिधि सभाकाे कार्यव्यवस्था परामर्श समितिकाे बैठकबाट तय भएकाे संभावित कार्यसूचीमा सार्वजनिक गरेको संविधान संशोधन पेश गर्ने प्रस्ताव बैठकमा भने टेबल नै नगरी कार्यसूचीबाट नै हटाइएको थियो।

सरकारले भारतले अतिक्रमण गरेका लिम्पियाधुरा, लिपुलेक र कालापानी क्षेत्र समेटेर नयाँ नक्शा सार्वजनिक गरेपछि संविधानको अनुसूचीमा रहेको निशान छापमा अंकित नक्शा पनि सोहि अनुसार परिवर्तन गर्नका लागि संविधान संशोधन गर्न लागिएको हो।

कानुन, न्याय तथा संसदीय मामिला मन्त्रालयले त्यसका लागि जेठ ९ गते संविधान संशोधन प्रस्ताव संसद सचिवालयमा दर्ता गरेको छ।

सोहि विषयमा दलहरुबीच सहमति जुटाउनका लागि प्रधानमन्त्री केपी शर्मा ओलीले मंगलबार सर्वदलीय बैठक राखेका थिए। नेपाली कांग्रेसका सभापति शेरबहादुर देउवाले त्यसबारे छलफल गर्न समय माग गरेका कारण कुनै सहमति नजुटी बैठक सकिएको थियो।

सभामुख अग्नि सापकोटाका प्रेस सल्लाहकार श्रीधर न्यौपानेले दलहरुबीच राष्ट्रिय सहमति कायम गर्नको लागि कार्यसूचिबाट संविधान संशोधन प्रस्ताव हटाइएको बताए।

‘दलहरुले राष्ट्रिय सहमतिको लागि समय माग गरेका छन्,’ न्यौपानेले नेपालखबरसँग भने, ‘सबै दलहरुमा सहमती जुटाउनको लागि आजको बैठकको कार्यसूचिबाट संविधान संशोधन हटाइएको हो।’

दलहरुबीच सहमति जुटेपछि सो प्रस्ताव संसदमा पेश हुने उनले बताए। सरकारले बिहीबार नयाँ बजेट पेश गर्दैछ। त्यसपछि बस्ने बैठकमा सो प्रस्ताव पेश हुने न्यौपानेले बताए।

भारतले कालापानी, लिपुलेक र लिम्पियाधुरासहितको नेपाली भूमि अतिक्रमण गरेर सडक निर्माण गरेपछि नेपालले पनि नक्सा जारी गरेको थियो । संसद र सडकबाट सरकारलाई व्यापक दबाब परेसँगै नेपालले भारतीय राजदूतलाई कूटनीतिक नोट दिनुका साथै कालापानी, लिपुलेक र लिम्पियाधुरा समेटेर नयाँ नक्सा जारी गरेको हो । नयाँ नक्सा जारी भएसँगै निशान छापमा रहेको नक्सा परिवर्तन गर्नका लागि संविधान संशोधन विधेयक संसदमा दर्ता गरिएको छ ।

भर्खरै प्रकाशित

न्यायालयबाट भएका पछिल्ला केही फैसलाप्रति प्रधानमन्त्री ओलीको असन्तुष्टि

प्रधानमन्त्री केपी शर्मा ओलीले न्यायालयबाट भएका पछिल्ला केही फैसलाप्रति आपत्ति जनाएका छन् । नेपाल टेलिभिजनलाई बिहीबार अन्तरवार्ता दिँदै प्रधानमन्त्री ओलीले पछिल्लो समय सर्वोच्च अदालतले सरकारका…

मन्त्रीहरूको कार्यभार तोकियो, स्वास्थ्य तथा जनसंख्या मन्त्रालयको कार्यभार कृष्णगोपाल श्रेष्ठलाई

काठमाडौँ । राष्ट्रपति विद्यादेवी भण्डारीले प्रधानमन्त्री र मन्त्रीहरूको कारभार तोकेकी छन् । प्रधानमन्त्री केपी शर्मा ओलीको बिहीबारको सिफारिसबमोजिम कार्यभार तोकिएको राष्ट्रपति कार्यालयले जनाएको छ ।…

समर्थकले रोनाल्डोलाई कोकको बोतलले हा’नेपछि….

पोर्चुगलका स्टार क्रिस्टियानो रोनाल्डो निकै फर्ममा देखिएका छन् । उनले जारी युरो कपका समूह चरणका तीनवटै खेलमा गोल गरे । फ्रान्स विरुद्धको खेलमा २ गोल…

चीनको धम्किबाट जव ताइवान नडराई यस्तो भन्यो

ताइवानले चीनसँग हुने यु’द्धको लागि तयार रहनुपर्ने समय आएको बताएको छ। ताइवानको सीमा क्षेत्रमा बढ्दो चिनियाँ सैन्य गतिविधिले यु’द्धको सम्भावना निम्तिएको ताइवानका विदेशमन्त्री जोसेप वुले…

माइतीघरमा शिक्षामन्त्रीको पुत्ला दहन, जातीय विभेदविरुद्ध प्रदर्शन

काठमाडौं । काठमाडौंको माइतीघरमा जातीय विभेदविरुद्ध दलित अधिकारकर्मी र विद्यार्थीहरुले प्रदर्शन गरेका छन् । ‘मान्छे भएर बाँच्ने अधिकार सुनिश्चित गर’ लेखिएको ब्यानरसहित अधिकारकर्मीले प्रदर्शन गरेका…