लकडाउनमा अवसर : फेसबुक संस्थापक जुकरबर्गले दुई महिनामै कमाए ३० अर्ब डलर

कोरोना भाइरसको महामारी विश्वव्यापी रूपमा फैलिँदा गत मार्च मध्यदेखि विश्वको अर्थतन्त्र नराम्रोसँग प्रभावित भइरहेको छ । अर्थतन्त्रका सबैजसो क्षेत्र तथा उद्योगहरूमा गम्भीर नकारात्मक असर परिरहेको छ । तर यो महामारी कतिपय अर्बपतिहरूका लागि भने निकै फापेको छ । महामारीका बेला अभूतपूर्व रूपमा अर्बौं कमाउनेमा फेसबुक संस्थापक मार्क जुकरबर्ग पनि परेका छन् ।

समाचार अनुसार, फेसबुक संस्थापक तथा सीईओ जुकरबर्गले पछिल्लो २ महिनामा मात्रै आफ्नो कूल सम्पत्तिमा ३० अर्ब डलरले वृद्धि गर्न सफल भएका छन् ।

ब्लुम्बर्ग अर्बपति सूचकांकअनुसार, मार्चको मध्यताका जुकरबर्गको कूल सम्पत्ति ५७ अर्ब ५० करोड डलर थियो । अहिले उनको सम्पत्ति बढेर ८७ अर्ब ५० करोड डलर पुगेको छ ।

योसँगै जुकरबर्ग विश्वका सर्वाधिक धनी मान्छेको सूचीमा तेस्रो स्थानमा उक्लिन सफल भएका छन् । जुकरबर्गभन्दा अगाडि अब अमेजन मालिक जेफ बेजोस र माइक्रोसफ्ट संस्थापक बिल गेट्समात्र छन् । बिल गेट्सको सम्पत्ति १ खर्ब ८ अर्ब डलर छ भने बेजोसको सम्पत्ति १ खर्ब ४७ अर्ब डलर रहेको छ ।

जुकरबर्गको सम्पत्तिमा व्यापक वृद्धि हुनुमा फेसबुक कम्पनीको शेयर मूल्यमा भएको उल्लेख्य वृद्धि प्रमुख कारण हो । सीएनबीसीको हालैको एक रिपोर्ट अनुसार, फेसबुकको शेयर मूल्यमा किर्तिमानी बढोत्तरी हुँदै हालै प्रतिशेयर मूल्य २३० डलर ७५ सेन्ट पुग्यो । फेसबुकले केही दिनअघि सपिङ प्लाटफर्म सार्वजनिक गरेसँगै कम्पनीको शेयर मूल्यमा उछाल आएको हो ।

महामारीका बीच करोडौं मानिसहरु घरभित्रै बस्न बाध्य भइरहेका बेला फेसबुकले पछिल्लो समय एकपछि अर्को नयाँ फिचर थप गरिरहेको छ जुन प्रयोगकर्ताहरूले निकै रुचाएका पनि छन् । जसमध्ये भिडियो कन्फ्रेन्सिङका लागि मेसेन्जर रुम्स निकै लोकप्रिय बनिरहेको छ र अर्को भिडियो कन्फ्रेन्सिङ एप जुमलाई टक्कर दिइरहेको छ । एजेन्सी

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…