अब लिपुलेक र तिंकर जान भारतको भूमि प्रयोग गर्नुपर्ने बाध्यताको अन्त्य, सेनाले थाल्यो गोरेटो बाटो निर्माण

काठमाडौँ — असारपछि दार्चुलाको माथिल्लो भूभागमा पुग्नलाई भारतको भूमि प्रयोग गर्नु नपर्ने भएको छ । अहिलेसम्म पनि दार्चुला सदरमुकाम खलंगाबाट जिल्लाको माथिल्लो भूभागहरु तिंकर, लिपुलेकसम्म पुग्न भारतको बाटो प्रयोग गर्नुपर्छ ।

खलंगाबाट हिँडेर तिंकर पुग्नका लागि घाटीबगर इलाकामा आवश्यक गोरेटो बाटो निर्माणको काम असार मसान्तसम्म सकिएपछि भारतीय भूमि प्रयोग गर्नु नपर्ने नेपाली सेनाले बताएको छ । हाल खलंगाबाट तिकंर जान भारतको उत्तराखण्ड राज्यको पिथौरागढ जिल्लामा भारतीय सुरक्षाकर्मीसँग पास लिएर जानु पर्छ । फेरि माथि पुगेर नेपाली भूभागमा आउनु पर्छ ।

सेनाले बुधबारबाट घाटीबगर इलाकामा सडक निर्माणको लागि इन्जिनियर र अन्य प्राविधिकसहित सेनानीको कमान्डमा ४५ जनाको प्लाटुन खटाएको बताएको छ ।

‘सेनाले बुधबारबाट त्यस इलाकामा काम थालेको छ,’ सैनिक प्रवक्ता पाण्डेले भने, ‘यो खण्डमा सेनाले असार मसान्तभित्रमा गोरेटो बाटो बनाइसक्ने लक्ष्य राखेको छ । असारपछि तिंकरलगायत दार्चुलाको माथिल्लो भूभाग जानका लागि नेपालीहरुलाई भारतको भूभाग प्रयोग गर्नु पर्दैन ।’

खलंगादेखि घाटीबगर हुँदै तिंकर भञ्जाङसम्मको दूरी एक सय ३४ किलोमिटर छ । घाटीबगरदेखि तिंकरसम्मको दूरी ८७ किलो मिटर छ ।

सेनाले अहिले घाटीबगरमा गोरेटो बाटो निर्माण गर्न लागेको हो । उक्त सडक खण्डमा चार सय ५० मिटर कडा चट्टान र केही स्थानमा पहिरो छन् । कडा चट्टानलाई बारुद प्रयोग गरेर ब्लास्ट गर्ने र पहिरोलाई हटाएपछि स्थानीयहरु हिड्ने गोरेटो बाटो खुला हुनेछ ।

सरकारको वैशाख १४ गतेको निर्णय अनुसार अर्को आर्थिक वर्षदेखि खलंगाबाट तिकंरसम्म सडक मार्ग निर्माण थालिने छ । यो बाटोका लागि कतै ट्रयाक खोलिसकिएको छ भने अहिले खनिने गोरेटोलाई नै पछि सडक बनाइने सेनाले जनाएको छ । सडक निर्माणको लागि सेना र सडक विभागलाई जिम्मेवारी दिइसकेको छ । सेनाको एक प्राविधिक टोलीले गत साता घाटीबगर इलाकाको भ्रमण गरि आएर पूर्व तयारी गरेको थियो ।

उक्त टोलीले त्यहाँको भूबनोट, निर्माण काम सुरु गर्दा आवश्यक सामग्री लिएर जादा हेलिकप्टर अवतरण गर्ने स्थान, सेनाको फिल्ड कार्यालयलगायत पक्षको जानकारी लिएर आएको थियो । तस्बिर : मनोज बडू/कान्तिपुर

भर्खरै प्रकाशित

जात थाहा पाएपछि कोठा नदिने घरबेटीविरुद्ध रूपा सुनारले प्रहरीमा दिइन्…

तल्लो जातको भन्दै कोठा भाडा नदिएको घरबेटीविरुद्ध सञ्चारकर्मी रूपा सुनारले प्रहरीमा जाहेरी दिएकी छिन् । संचारकर्मी सुनारले तल्लो जात भन्दै कोठा भाडा नदिएकी काठमाडौं महानगरपालिका–…

युरोपको एउटा ‘फुच्चे’ देश कसरी फुटबलको महाशक्ति बन्यो ?

खेलकुदको दुनियाँमा यो ठूलो उपलब्धिमध्येको एक हो । यस ग्रहकै सबैभन्दा लोकप्रिय खेलमा कसरी एउटा सानो देश पहिलो वरीयताको टोली बन्यो ? मात्र १ करोड…

उत्तर कोरियामा लाग्दैछ भोकमरी, प्रतिकेजी केराको मूल्य ४५ डलर

पछिल्ला केही दिनयता उत्तर कोरियाली नेता किम जोङ उनका विभिन्न तस्बिरहरू अन्तर्राष्ट्रिय सञ्चारमाध्यममा आइरहेका छन्। किमले अन्तर्राष्ट्रिय राजनीतिमा केही असर पर्ने काम गरेकाले उनका तस्बिर…

प्रहरीले छानविन गर्न थालेपछि माफी मागिन् ज्वाला सङ्ग्रौला

ट्राफिक प्रहरीले लाइसेन्स माग्दा रंगभेदी दुर्व्यवहार गर्ने ज्वाला सङ्ग्रौला र उनको समूहविरुद्ध मु’द्दा चलाउन प्रहरीले छानविन अघि बढाएको छ । आफूलाई सामाजिक अभियन्ता दाबी गर्ने…

‘एक्स ९’मा सुनिल सेट्टीलाई अफर, अनमोलसँग होला पर्दा शेयर ?

चलचित्र ‘लप्पन छप्पन र लप्पन छप्पन २’का निर्देशक मुकुन्द भट्टले निर्देशन गर्न लागेको तेश्रो चलचित्र ‘एक्स ९’का लागि बलिउड नायक सुनिल सेट्टीलाई अफर गरिएको छ…