यो वर्ष वैशाखमा पनि किन जाडो छ ? तापमान गत वर्षकोभन्दा ३ डिग्री सेल्सियस कम

काठमाडौं । शनिबार काठमाडौंको अधिकतम तापक्रम २२-२४ डिग्री सेल्सियस मापन भयो । यो तापमान गत वर्षकोभन्दा ३ डिग्री सेल्सियस कम हो ।

जल तथा मौसम विज्ञान विभाग, मौसम पूर्वानुमान महाशाखाको अभिलेख अनुसार २०७६ वैशाख १३ गते अधिकतम तापक्रम २५-२७ डिग्री सेल्सियस मापन भएको थियो ।

वरिष्ठ मौसमविद् मणिरत्न शाक्यका अनुसार प्रि-मनसुनी वर्षाका कारण तापक्रम घटेको हो। वर्षासँगै परेको हिउँले पनि तापक्रम घटाएको उनको भनाइ छ ।

लकडाउनका कारण उद्योग, कलकारखाना, यातायात सञ्चालन नहुँदाको असर भने तापक्रममा ज्यादै न्यून मात्रामा परेको मौसमविद्हरू बताउँछन् । तामपक्रम कम हुनुमा लकडाउन महत्वपूर्णकारक नरहेको उनीहरूको भनाइ छ ।

चिसो हुनुको खास कारण

शनिबार काठमाडौंमा ५ मिलिमिटर वर्षा भयो । मौसमविद्हरूकाअनुसार पानी परेका बेलामा हावामा जलवाष्प धेरै हुन्छ।

जलवायु विश्लेषक ङमिन्द्र दाहालकाअनुसार प्रि-मनसुनमा पनि चिसो हावाले नै निरन्तरता पाउँछ ।

‘यतिबेला उत्तर-पश्चिमबाट दक्षिणतर्फ बग्ने हावाको बहाव बढ्दो छ’ दाहाल भन्छन्, ‘हावाको त्यही बहाबले गर्दा काठमाडौंमा जाडो महसुस भएको हो ।’

नेपालमा सामान्यतया २७ जेठबाट मनसुन सुरु हुन्छ। मनसुनको वर्षा भने न्यानो हुन्छ ।

प्रि-मनसुनमा पर्याप्त वर्षा

दक्षिण एशियाली जलवायु दृष्टिकोण मञ्चको रिर्पोटअनुसार यो वर्ष प्रि-मनसुनमा नर्मल वर्षा हुन्छ। ‘मञ्चको रिर्पोटको अर्थ हो यो वर्ष प्रि-मनसुनमा पर्याप्त पानी पर्छ’ वरिष्ठ मौसमविद् शाक्य भन्छन्।

नेपालमा वर्षा हुने नहुने कुरा प्रशान्त महासागरको पानी चिसो वा तातो हुने कुरासँग जोडिएको छ । महासागरको पानी औसतभन्दा बढी तातो हुनुलाई एल-लिनो भनिन्छ ।

शाक्यकाअनुसार प्रशान्त महासागरमा एनलिनो तटस्थ बस्दा दक्षिण एसियामा बढी वर्षाको सम्भावना हुन्छ । उनी भन्छन्, ‘यो वर्ष एल-लिनो निष्कृय भएकाले नेपालमा प्रि-मनसुनमा पर्याप्त पानी पर्छ ।’

भर्खरै प्रकाशित

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले…

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले दुर्गेशसँग सहकार्य नगर्ने राष्ट्रिय लोक तथा दोहोरीगीत प्रतिष्ठान नेपालले गायक एवं मोडल दुर्गेश थापालाई संस्थागत…

प्रदेशसभा सदस्य बिमलाई नेपालगञ्ज अस्पताल लैजाने भन्दै मुख्यमन्त्री निवास बुटवल…

केहीदिनअघि सम्पर्कविहीन भएकी दाङ क्षेत्र नम्बर ३(२)का प्रदेशसभा सदस्य बिमला खत्रीलाई लुम्बिनी प्रदेशका मुख्यमन्त्रीको निवासमा राखिएको स्रोतले दाबी गरेको छ । उहाँ उपचारका लागि नेपालगञ्जमा…

थोरै जनसंख्या भएको देश कतारले पनि पहिलोपटक जित्यो ओलम्पिकमा स्वर्ण

टोकियो । भारोत्तोलक फारेज अल बाखले दुई कीर्तिमान राख्दै शनिबार कतारलाई ओलम्पिक इतिहासमा पहिलो स्वर्ण पदक दिलाएका छन् । २०१९ को विश्व च्याम्पियनसिपमा रजत पदक जितेका…

दार्चुला घटनाको सत्यतथ्य बुझ्‍न गृह मन्त्रालयको टोली सोमबार घटनास्थलतर्फ जाने

काठमाडौँ । महाकाली नदी तर्ने क्रममा तुइन चुँडिएर दार्चुलाका जयसिंह धामी खसेर वेपत्ता भएको घटना छानविन गर्न गृह मन्त्रालयको टोली सोमबार घटनास्थलतर्फ जाने भएको छ…

म्यानमारका एक सैन्य नेताद्वारा आफूले आफैँलाई प्रधानमन्त्री भएको घोषणा

काठमाण्डाै । कु गरेको केही समयमै  म्यानमारका सैन्य नेता मिन अंग हलाङ्गले आफुले आफैलाई  प्रधानमन्त्री घोषणा गरेका छन्  । गएको फेब्रुअरीमा प्रजातन्त्रवादी नेतृ आङ सान…