जहाँबाट फैलियो कोरोना भाइरस, त्यही सहरमा अब एक जना पनि छैन बिरामी

१५ वैशाख, काठमाडौं । चीनको वुहान सहरबाट कोरोना भाइरस (कोभिड–१९) को महामारी विश्वभर फैलिएको थियो । आइतबार त्यही वुहानमा कोरोना भाइरसका बिरामीको संख्या शून्यमा झरेको छ ।

वुहानका अस्पतालहरूका रहेका कोभिड–१९ का सबै बिरामीलाई डिस्चार्ज गरिएको छ । चीनको राष्ट्रिय स्वास्थ्य आयोगका प्रवक्ता मी फेङले यो उपलब्धि वुहानका स्वास्थ्यकर्मीको कडा मेहनत र उनीहरूको सहयोगको कारण नै सम्भव भएको बताएका छन् ।

चिनियाँ समाचार एजेन्सी सिन्ह्वाका अनुसार फेङले शुक्रबार वुहानका अन्तिम बिरामीलाई डिस्चार्ज गरिएको बताएका छन् । अहिले यो सहरमा कोभिड–१९ का बिरामीको संख्या शून्य छ ।

हुबेईका स्वास्थ्य आयोगले शनिबार वुहानमा कुनै संक्रमण र यसबाट मृत्यु हुने मानिसको संख्या सार्वजनिक गरेको थिएन । ११ जना मानिस रोग ठिक भएको कारण घर फर्किएका थिए । अहिलेसम्म हुबेईमा ६८ हजार एक सय २८ जना मानिसमा कोरोना भाइरसको संक्रमण देखिएको छ । जसमध्ये ५० हजार तीन सय ३३ वुहानका छन् ।

वुहानबाट फैलिएको थियो भाइरस

गत डिसेम्बरमा पहिलोपटक वुहानमा कोरोना भाइरस (कोभि–१९) का संक्रमित फेला परेका थिए ।

यो भाइरसको सबैभन्दा धेरै असर त्यहीँ देखिएको थियो । चीनले डिसेम्बरको अन्तिममा आधिकारिक रुपमा यो भाइरसबारे थाहा पाएको बताएको छ भने जनवरी २३ देखि हुवेइमा लकडाउन घोषणा ग¥यो । घोषणा गरेको ७६ दिन पछि अप्रिल ८ बाट लकडाउन हटायो ।

तर, सुरुमा अमेरिका र अन्य मुलुकहरुले लकडाउन ढिला मात्र सुरु गरिएको भन्दै चीनको आलोचना गरेका थिए । वुहानमा समयमा नै लकडाउन नगरेको कारण यो भाइरसले विश्वभर फैलिने मौका पाएको उनीहरूको आरोप छ ।

साथै, चीनमाथि यो भाइरस प्रयोगशालामा बनेको आरोप पनि पश्चिमा मुलुकले लगाउँदै आएका छन् । तर, चीनले यसलाई अस्वीकार गर्दै आएको छ । विश्व स्वास्थ्य संगठन (डब्ल्यूएचओ)ले पनि यो भाइरस प्राकृतिक भएको बताइसकेको छ ।

वुहानको तथ्यांकमाथि प्रश्न

चीनमाथि सही तथ्यांक सार्वजनिक नगरेको आरोप पनि छ । चीनले पनि हालसालै मात्र वुहानमा कोरोन भाइरसबाट मृत्यु हुनेको संख्या परिमार्जित गरेर ५० प्रतिशत बढाएको थियो ।

चीनको प्रशासनले १६ अप्रिलसम्ममा मृतकको संख्या एक हजार दुई सय ९० ले बढी रहेको बताएको थियो । त्यससँगै वुहानमा मृतकको संख्या तीन हजार आठ सय ६९ पुगेको थियो । त्यससँगै समग्र चीनमा कोरोना भाइरसको कारण मृत्यु हुनेको संख्या चार हजार ६ सय ३२ पुगेको छ ।

चीनको विदेश मन्त्रालयले भने यसअघि छुटेका मृतकको संख्या यसमा समावेश गरिएको बताएको छ । चिनियाँ अधिकारीहरूका अनुसार वुहानबाट मानिसहरू नयाँ वर्ष मनाउन ५० लाखभन्दा धेरै मानिस बाहिर गएका थिए । त्यहाँबाट नै यो भाइरस विश्वभर फैलिएको हो ।

अझै अवस्था सामान्य छैन

चीनको वुहानमा अप्रिल ८ देखि लकडाउन सकिए पनि अवस्था अझै पनि पूर्णरुपमा सामान्य बन्न सकेको छैन । वुहानमा कुनै पनि लक्षण नदेखिएका बिरामीको संख्या पनि बढिरहेको छ । शनिबारसम्म हुबेइमा यस्ता पाँच सय ७२ संक्रमित भेटिएका छन् । उनीहरूको निगरानी गरिएको छ । आइतबार पनि यहाँ यस्ता १९ संक्रमित फेला परेका थिए ।

स्रोत : बीबीसी

भर्खरै प्रकाशित

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले…

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले दुर्गेशसँग सहकार्य नगर्ने राष्ट्रिय लोक तथा दोहोरीगीत प्रतिष्ठान नेपालले गायक एवं मोडल दुर्गेश थापालाई संस्थागत…

प्रदेशसभा सदस्य बिमलाई नेपालगञ्ज अस्पताल लैजाने भन्दै मुख्यमन्त्री निवास बुटवल…

केहीदिनअघि सम्पर्कविहीन भएकी दाङ क्षेत्र नम्बर ३(२)का प्रदेशसभा सदस्य बिमला खत्रीलाई लुम्बिनी प्रदेशका मुख्यमन्त्रीको निवासमा राखिएको स्रोतले दाबी गरेको छ । उहाँ उपचारका लागि नेपालगञ्जमा…

थोरै जनसंख्या भएको देश कतारले पनि पहिलोपटक जित्यो ओलम्पिकमा स्वर्ण

टोकियो । भारोत्तोलक फारेज अल बाखले दुई कीर्तिमान राख्दै शनिबार कतारलाई ओलम्पिक इतिहासमा पहिलो स्वर्ण पदक दिलाएका छन् । २०१९ को विश्व च्याम्पियनसिपमा रजत पदक जितेका…

दार्चुला घटनाको सत्यतथ्य बुझ्‍न गृह मन्त्रालयको टोली सोमबार घटनास्थलतर्फ जाने

काठमाडौँ । महाकाली नदी तर्ने क्रममा तुइन चुँडिएर दार्चुलाका जयसिंह धामी खसेर वेपत्ता भएको घटना छानविन गर्न गृह मन्त्रालयको टोली सोमबार घटनास्थलतर्फ जाने भएको छ…

म्यानमारका एक सैन्य नेताद्वारा आफूले आफैँलाई प्रधानमन्त्री भएको घोषणा

काठमाण्डाै । कु गरेको केही समयमै  म्यानमारका सैन्य नेता मिन अंग हलाङ्गले आफुले आफैलाई  प्रधानमन्त्री घोषणा गरेका छन्  । गएको फेब्रुअरीमा प्रजातन्त्रवादी नेतृ आङ सान…