मस्जिदमा भेटिएका तीन भारतीय जमातीसहित चार जनाले जिते कोरोना

वीरगन्ज : वीरगन्जको नारायणी अस्पतालको आइशोलेशनमा उपचाररत ५ मध्ये ४ कोरोना संक्रमितलाई आइतबार साँझ अस्पतालबाट डिस्चार्ज गरिएको छ । अस्पतालमा उपचाररत ५ मध्ये वीरगन्जको मस्जिदमा भेटिएका तीन भारतीय मुस्लिम जमाती र रौतहटका १ युवक गरी ४ जनालाई आइतबार साँझ सवा ५ बजे अस्पतालबाट डिस्चार्ज गरिएको हो ।

चार जनाको तेश्रो र चौथो पीसीआर परीक्षणको रिपोर्ट नेगेटिभ आएको र स्वास्थ्य अवस्था पनि सामान्य भएकाले उनीहरूलाई आइतबार डिस्चार्ज गरिएको अस्पतालका मेडिकल सुपरिडेन्टेन्ड डा मदन उपाध्यायले बताए ।

उपाध्यायका अनुसार हेटौंडा स्थित प्रादेशिक प्रयोगशालाबाट शनिबार बेलुकी अस्पताललाई प्राप्त चारै जनाको चौथो रिपोर्ट नेगेटिभ आएको हो । यसअघि तेश्रो पीसीआर रिपोर्ट पनि नेगेटिभ नै आएको थियो ।

मेसु उपाध्यायले भने,‘पहिलो र दोश्रो पीसीआर रिपोर्ट पोजेटिभ आएको थियो, तर तेश्रो र चौथो पीसीआर रिपोर्ट लगातार नेगेटिभ आएपछि विश्व स्वास्थ्य संगठनको मापदण्ड अनुसार चार जनालाई नै डिस्चार्ज गरिएको हो ।’

आइतबार डिस्चार्ज गरिएका चारमध्ये रौतहटको इशानाथ नगरपालिका ८ का १९ वर्षीय बच्चु अंसारीलाई उनको आफन्तको जिम्मा लगाएर घर पठाइएको छ ।

भारत उत्तर प्रदेशका ३७ वर्षीय इब्राहिम र ४४ वर्षीय नुर महम्मद तथा दिल्लीका ५५ वर्षीय युसुफलाई भने अस्पतालबाट डिस्चार्ज गरी वीरगन्जकै छपकैयामा रहेको एक घरमा बस्ने गरी पठाइएको नारायणी अस्पतालका चिकित्सक डाक्टर निरज सिंहले जानकारी दिए ।

‘अहिले लकडाउनमा दुवै देशको सीमा बन्द छ त्यसैले उनीहरूलाई यतिमखाना छेउको खाली रहेको ३ तल्ले घरमा बस्ने गरी पठाइएको हो’, उनले भने ,‘लकडाउन खुलेपछि भारत सरकारको जिम्मा लगाइनेछ ।’

वीरगन्ज २ छपकैया स्थित मस्जिदमा बस्दै आएका २६ भारतीय जमातिमध्ये ३ जनामा चैत ३० मा कोरोनाको संक्रमण पुष्टि भएको थियो । रौतहटका संक्रमित युवक बच्चुलाई भने बैशाख १ गते संक्रमण भएको पुष्टि भएपछि बैशाख २ गते नारायणी अस्पतालमा ल्याइएको थियो ।

सर्लाही धनकौलका १४ वर्षीय बालकलाई भने नारायणी अस्पतालमा उपचारत रहेका गत बिहीबार राति सर्लाहीबाट ल्याएर राखिएको हो । ती बालकको स्वास्थ्य अवस्था पनि अहिले सामान्य रहेको मेसु उपाध्यायले जानकारी दिए ।

भर्खरै प्रकाशित

मुख्यमन्त्री कार्यालयमा बन्धक बनाइयो, अपहरणकाे मुद्दा दायर गर्छु : बिमला…

काठमाडौं। लुम्बिनी प्रदेशकी सांसद विमला खत्री वली पुनः नेकपा माओवादी केन्द्रमा फर्किएकी छन्। यसअघि माओवादी केन्द्रको सम्पर्कबाहिर रहेकी उनी एमालेमा प्रवेश गरेको विज्ञप्तिहरु सार्वजनिक भएका…

प्रधानमन्त्री देउवा पुत्र जयवीर सिंहलाई झुक्याइयो

काठमाडौं । प्रधानमन्त्री शेरबहादुर देउवाका छोरा जयविर सिंह देउवा पनि राजनीतिमा सक्रिय हुन थालेको छन् । हाल पार्टी भित्रका नेताहरुसँग दोस्ती बढाउन चरणमा छन् ।…

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…

आर्थिक सङ्कटमा पाकिस्तान : प्रधानमन्त्री इमरान खानको सरकारी आवास अब…

पाकिस्तानका प्रधानमन्त्री इमरानको सरकारी आवास अब भाडामा उपलब्ध हुनेछ । आर्थिक सङ्कटबाट गुज्रिरहेको पाकिस्तानले इस्लामाबादस्थित प्रधानमन्त्री इमरान खानको सरकारी निवास सर्वसाधारणलाई भाडामा दिने तयारी गरेको…