कतारमा नेपालीसहित ६५ सय कामदार विशेष क्वारेन्टाइनमा, सनैयाको लकडाउन खुकुलो बनाइने

काठमाडौँ — कतारले आप्रवासी कामदारको मुख्य बासस्थान सनैया क्षेत्रलाई बुधबारदेखि आंशिक रुपमा खोल्ने भएको छ । कोरोना भाइरस भेटिएपछि सनैयाको सडक नम्बर १ देखि ३२ को क्षेत्रलाई एकमहिनादेखि कडा रुपमा लकडाउनमा राखेको हो । यो क्षेत्रमा मात्रै झन्डै नेपाली सहित ५० हजार कामदार छन् ।

कोरोना भाइरसको संक्रमणलाई रोक्नका लागि कतारले मार्च १७ देखि आवातजावतमा पूर्ण रुपमा रोक लगाएको सनैया क्षेत्र । यो क्षेत्रभित्र झन्डै ५० हजार नेपाली बस्छन् । तस्बिर : कान्तिपुर

सडक नम्बर १ र २ नम्बर क्षेत्रमा राखिएका कामदारलाई अन्य ठाउँमा सारेपछि यो क्षेत्रलाई आंशिक रुपमा खोल्न लागिएको हो। उच्चस्तरीय संकट व्यवस्थापन समितिले बाँकी ठाउँ पनि विस्तारै खुकुलो बनाउँदै लैजाने जनाएको छ।
अप्रिल १४ देखि अप्रिल १७ सम्ममा १ र २ बाट नेपालीसहित ६ हजार ५ सय कामदारलाई विशेष क्वारेन्टाइनमा सारिएपछि सनैयालाई खुकुलो बनाउन लागिएको हो। उनीहरुलाई मेकाइनिस र वारुवा सिटीमा सारिएको हो।

प्रशासनिक विकास, श्रम तथा सामाजिक सुरक्षा मन्त्रालयका अनुसार सनैया क्षेत्रमा रहेका दीर्घरोगी भएका कामदारलाई क्वारेन्टाइनमा राखिन थालेको हो। मन्त्रालयका सहायक उपसचिव मोहम्मद हसन अल ओवाइडलीले ५५ वर्ष नाघेका उच्च रक्तचाप, मधुमेह लगायतका दिर्घारोगी र ५५ वर्ष उमेर नाघेका कामदारलाई विशेष निगरानीमा राखिन थालेको बताए। १४ दिनको लागि क्वारेन्टाइनमा बस्नको लागि यी कामदारले ४०२८७९४५ को हटलाइनमा सर्म्पक गर्न अनुरोध गरेको छ। श्रम मन्त्रालयका अनुसार क्वोरन्टाइनमा राखिएका कामदारलाई औषधि, खाद्यान्न र लत्ताकपडा निशुल्क रुपमा व्यवस्था गरिएको छ।

क्वारेन्टाइनमा राखेका नेपाली कामदारले आफूहरु निकै सुरक्षित र सुविधायुक्त ठाउँमा राखिएको बताए। भूमिकास्थान नगरपालिका, अर्घाखाँचीका टेकराज थापाले आफूहरुलाई वारुवा सिटीमा ल्याएर राखिएको बताए। ‘म मार्च ११ देखि बाहिर जान छोडेको थिएँ। हामीलाई कोरोनाबाट सुरक्षित रहनको लागि १६ दिनसम्म आफ्नै क्याम्पमा राखिएको थियो। अहिले वारुवा ल्याएर राखेको छ’, उनले भने, ‘सबै जना सुरक्षित रहेको महसुस गरेको छौं।’

क्वारेन्टाइनमा बिहानदेखि नै नियमित स्वास्थ्य जाँच हुने गरेको छ। ‘हाम्रो स्वास्थ्य जाँचको लािग बिहान ८ बजे अघि नै स्वास्थ्यकर्मी ढोका ढकढक्याउन आइपुग्नुहुन्छ’, उनले भने, ‘बिहान खाजा, दिउँसो र बेलुका खाना आउँछ।’

उनले यहाँको सरकारले राम्रो व्यवस्थापन मिलाएको बताए। ‘क्वारेन्टाइनमा सहजै दिन कटिरहेको छ। परिवारसँग नियमित कुरा हुन्छ। दिनभर नेपाली फिल्म हेरेर दिन कट्छ।’, उनले भने।

११ कम्पनीलाई कारबाही

प्रशासनिक विकास, श्रम तथा सामाजिक मन्त्रालयले कोरोना भाइरस नियन्त्रणको लागि चालिएको निर्देशनलाई उल्लंघन गर्ने ११ वटा कम्पनीलाई कारबाही गरेको छ। ती कम्पनीले कामदारलाई क्याम्पमा जबर्जस्ती धेरै कामदारलाई राखेको, सामाजिक दूरी कायम नगरेको र बसमा भीड गरेर कामदार राखेको भन्दै कारबाही गरेको हो। सरकारले क्याम्पमा धेरै कामदार नराख्न र बसको क्षमता अनुसार आधा मात्रै कामदार राख्न निर्देशन दिइएको छ। कान्तिपुरबाट 

भर्खरै प्रकाशित

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले…

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले दुर्गेशसँग सहकार्य नगर्ने राष्ट्रिय लोक तथा दोहोरीगीत प्रतिष्ठान नेपालले गायक एवं मोडल दुर्गेश थापालाई संस्थागत…

प्रदेशसभा सदस्य बिमलाई नेपालगञ्ज अस्पताल लैजाने भन्दै मुख्यमन्त्री निवास बुटवल…

केहीदिनअघि सम्पर्कविहीन भएकी दाङ क्षेत्र नम्बर ३(२)का प्रदेशसभा सदस्य बिमला खत्रीलाई लुम्बिनी प्रदेशका मुख्यमन्त्रीको निवासमा राखिएको स्रोतले दाबी गरेको छ । उहाँ उपचारका लागि नेपालगञ्जमा…

थोरै जनसंख्या भएको देश कतारले पनि पहिलोपटक जित्यो ओलम्पिकमा स्वर्ण

टोकियो । भारोत्तोलक फारेज अल बाखले दुई कीर्तिमान राख्दै शनिबार कतारलाई ओलम्पिक इतिहासमा पहिलो स्वर्ण पदक दिलाएका छन् । २०१९ को विश्व च्याम्पियनसिपमा रजत पदक जितेका…

दार्चुला घटनाको सत्यतथ्य बुझ्‍न गृह मन्त्रालयको टोली सोमबार घटनास्थलतर्फ जाने

काठमाडौँ । महाकाली नदी तर्ने क्रममा तुइन चुँडिएर दार्चुलाका जयसिंह धामी खसेर वेपत्ता भएको घटना छानविन गर्न गृह मन्त्रालयको टोली सोमबार घटनास्थलतर्फ जाने भएको छ…

म्यानमारका एक सैन्य नेताद्वारा आफूले आफैँलाई प्रधानमन्त्री भएको घोषणा

काठमाण्डाै । कु गरेको केही समयमै  म्यानमारका सैन्य नेता मिन अंग हलाङ्गले आफुले आफैलाई  प्रधानमन्त्री घोषणा गरेका छन्  । गएको फेब्रुअरीमा प्रजातन्त्रवादी नेतृ आङ सान…