लकडाउन डायरी : नेताका दैनिकी, मजदुरका समस्या र कलाकारका मनका कुरा

केशरमान बुढाथोकी

यतिबेला मानवजातिको अस्तित्वलाई नै संकट पार्नेगरी विश्वमै महामारीको रुपमा फैलिएको कोरोना भाइरसले विश्वका करिब दुई सयभन्दा बढी राष्ट्रलाई आक्रान्त बनाएको छ । शुरुमा रुघाखोकीको जस्तो लक्षण देखिने यो रोगले बिस्तारै मानिसको फोक्सोमै आक्रमण गरेर श्वासप्रश्वासमै गम्भीर असर गरेर मानिसको प्राण लिने गर्दछ । हालसम्म यसको कुनै औषधि नभेटिएको डरलाग्दो प्राणघातक कोरोना भाइरसको संक्रमणको साङ्लो तोडेर सुरक्षित हुन नेपालले यतिबेला लकडाउन गरेको छ । यही लकडाउनको समयमा कसैको दैनिकी अरुका लागि अनुकरणीय तथा प्रेरणा बनोस् भनेर विभिन्न क्षेत्रका ब्यक्तित्वहरुसँग पत्रकार केशरमान बुढाथोकीले गर्नुभएको संक्षिप्त संवादमा आधारित लकडाउन डायरी यहाँ प्रस्तुत गरिएको छ ।

हेमराज शर्मा डाइमण्ड
नेपाल कमन्युष्ट पार्टी नेकपा केन्द्रीय सदस्य तथा दाङ जिल्ला सहइन्चार्ज

यतिबेला कोरोना भाइरसको संक्रमणले विश्वलाई नै थिलोथिलो पारिरहेको छ । विश्वका अधिकांस मुलुकमा यसको संक्रमण भएको र यसको औषधी अझ सम्म पत्ता नलागेकाले विश्वकै मेडिकल बिज्ञानको क्षेत्रलाई यो ठुलो चुतौती बनिरहेको छ । यतिबेला नेपाल पनि कोरोनाको संक्रमणबाट अछुत रहन सकेको छैन । नेपालमा हाल सम्म करिब डेड दर्जन जति मानिसमा यसको संक्रमण देखिएको छ । यसैको संक्रमण बाट जोगिन पूर्व साबधानी स्वरूप नेपाल सरकारले नेपाललाई लकडाउन घोषणा गरेपछि सबैको जस्तै मेरो पनि दैनिकीमा परिवर्तन आएको छ । म सधैं जस्तो बिहान ५ बजेतिर नै उठ्ने गर्दछु ।

उठेर नित्यकर्म पछी घरमै सामान्य शारीरिक ब्यायाम गर्दछु । अनि चिया पिएर टेलिभिजन र अनलाइनहरुमा समाचार हेर्ने गर्दछु । कोरोना भाइरसका कारण विश्व नै आक्रान्त भएकाले कोरोना सम्बन्धि समाचारहरु नछुटाई पढ्ने र हेर्ने गरेको छु । पहिलेदेखि नै खाना पकाउने काममा मेरो रुची छ । त्यसैले आजभोली लकडाउनका कारण घरमै बसेको बेला भासामा पसेर खाना नास्ता पकाउने काम पनि गरेको छु । लामो समय भयो लकडाउन भएको यो समयमा राजनीति र समाजशास्त्र सम्बन्धिका विभिन्न पुस्तकहरु पनि पढ्दै छु ।

यो मेरो व्यक्तिगत पाटो भयो अर्कोतिर नेपालमा लकडाउन घोषणा पछी थुप्रै समस्या उत्पन्न भएका छन् । एकातिर कोरोना भाइरसको संक्रमण हुने सम्भावित खतरा छ भने अर्कोतिर ज्यालामजदुरी गरि एक छाक टार्ने मजदुरहरुको अगेनो बल्न नसक्ने समस्या छ । ज्याला मजदुरी गरेर छाकटार्ने मजदुरहरुको समस्या समाधानका लागि जिल्लाका पार्टी कार्यकर्ताहरु र जनप्रतिनिधिहरुलाई घरबाटै नियमित टेलिफोन सम्पर्क गर्ने गरेर समस्या परेको ठाउमा समाधान गर्न परिचालन गरेकोछु ।

अर्को कुरा हाल नेपालमा कोरोना भाइरसको संक्रमण छिटफुट रुपमा देखिएको मात्र छ । महामारी आइसकेको छैन । यसको लक्षणहरु अलि ढिला गरि देखिने भएकाले नेपालमा अझैं बिकराल अवस्था आउन सक्छ । सम्भावित खतराबाट मुक्ति पाउन के गर्न सकिन्छ ? र सरकारको योजना के छ ? भन्ने तर्फ केन्द्रमा बस्ने हाम्रा नेता तथा जनप्रतिनिधि र मन्त्रीहरु संग समन्वयन गरिरहेको छु । कोरोना भाइरस जस्तो महामारीको संक्रमणहुनबाट बच्न सबैले सरकारले तोकेको लकडाउनको पूर्ण पालना गर्न अनुरोध गर्दै समग्र नेपाली दिदीबहिनी दाजुभाइको सुस्वास्थ्यको कामना गर्दछु ।

इन्द्रजित थारु
प्रदेशसभा सदस्य प्रदेश नम्बर पाँच

कोरोना भाइरसको महामारीकाले विश्वलाई नै थिलोथिलो पारिरहेको यो समयमा नेपालमा बिगत लामो समय यता लकडाउन छ । आम नागरिकको जस्तै मेरोपनि लकडाउनका कारण दैनिकी फेरिएको छ । कोरोनाको संत्रास हुनुभन्दा पहिले मेरो पनि दैनिकी फरक तरिकाले जनताको सेवामा नै चलिरहेको थियो । आजभोली त्यसमा मेरो पनि दिनाचर्या बदलिएको छ । कोरोना भाइरसका कारण यतिबेला प्रदेशसभा चलिरहेको छैन । त्यसैले म आजभोलि दाङ स्थित मेरो निर्वाचन क्षेत्रमा छु । आफ्नो परिवारका साथसाथै मेरा मतदाता तथा आम जनसमुदाय संग दुख सुख साट्दा छुट्टै आनन्द हुदोरहेछ ।

आजभोली म सधैं जस्तो बिहान ६ बजे नै उठ्ने गर्दछु । अनि नित्यकर्म गरेपछि चिया पिउछु । त्यसपछी घरमा सामान्य शारीरिक व्यायाम गर्दछु । अनि विभिन्न समाचारहरु सुन्ने र हेर्ने गर्दछु । त्यसपछि मेरो निर्वाचन क्षेत्रका नागरिकहरु संग विभिन्न माध्यामबाट सम्पर्क गर्दछु । अनि जनताका पीरमर्का बुझ्न र त्यसमा मलम लगाउन म समय समयमा मेरो निर्वाचन क्षेत्रका जनताहरुको घरदैलोमा पनि पुग्ने गरेको छु । अनि कहिले काही भान्सामा श्रीमतीलाई सघाउने गर्दछु ।

मेरो निर्वाचन क्षेत्रमा निम्न वर्गीय जनताहरु धेरै बस्ने गरेकाले ज्याला मजदुरी गरिखाने बर्ग धेरै छन । दिनभर कर्म गरेर २ छाक खाने जनताहरु बढी भएको मेरो क्षेत्रमा एकदिन काम रोकियो भने एक छाक खान नसक्ने परिवारहरु धेरै छन् । त्यसैले एकातिर कोरोना भाइरसको संक्रमण हुने चिन्ता छ भने । अर्कोतिर भोकमरिले गाँजिएको छ । त्यसैले आफ्ना जनताहरुलाई विपतकोबेला राहत उपलब्ध गराउन उच्च पहल गर्ने गरेको छु । लामो भूमिगत जीवन देखि नै पढाइमा मेरो रुची छ ।

त्यसैले जनयुद्धकालिन पुराना संस्मरण र राजनीति र दर्शनका पुस्तकहरु पढ्ने गरेको छु । लामो समय भूमिगत भएदेखि अहिले सम्म पनि हाम्रो परिवार संगै बस्ने लामो अवसर कहिले पनि जुरेन त्यसैले अहिले परिवार संग पनि संगै बस्न पाएकोमा म लगायत मेरो परिवार पनि निकै नै खुसी छ । हामी राजनीति कर्मीहरु समस्यालाई अवसरको रुपमा लिएर अगाडी बढ्ने हो त्यसैले यो समस्याको समयलाई मैले अवसरका रुपमा लिएको छु । दुरदराजका मलाई भोटहालेका जनतासंग पुग्ने र उनिहरुका मर्का बुझ्ने अवसर यो लकडाउनले प्रदान गरेकोछ ।

काजल पोख्रेल
गायिका/ मोडेल

यतिबेला सिंगो विश्व कोरोनाको संक्रमणले थिलोथिलो भएको छ । नेपालमा अहिलेसम्म यसले बिकराल अवस्था सिर्जना नगरेको भएपनि यसको सन्त्रास कायम छ । यस्तो सन्त्रास पूर्ण अवस्थामा मेरो दैनिकीमा पनि परिवर्तन आएको छ । खासमा कपिलवस्तुमा जन्मिएर राजधानीलाई कर्मथलो बनाएको म । लकडाउन पछी आफ्नै गृहजिल्ला कपिलवस्तु आएकी छु ।

राजधानीमा बसेर सांगीतिक क्षेत्रमा लागेकोले दैनिकी निकै व्यस्ततामा चल्ने गर्दथ्यो । तर आजभोली परिवर्तन आएको छ । म आजभोली बिहान ६ बजे उठ्छु । अनि नित्यकर्म गरेर सधैं जस्तो शारीरिक ब्यायम गर्ने गर्दछु । करिब १ घन्टाको व्यायाम पछि नुहाएर सामाजिक संजाल तिर अपडेट हुन्छु ।

कोरोनाले गर्दा अहिले देशभरका विभिन्न स्टेज प्रोग्राम र दोहोरी साँझहरु बन्द भए पछि घरमा आएर ममिलाइ घरको काम सघाएको छु । फुर्सद मा विभिन्न किताबहरु पढ्छु । गित संगित हेर्छु । घरमै बसेर संगित को रियाज गर्छु । विभिन्न कोरोना सम्बन्धी लेखहरु पढ्ने गरेकी छु । साथी भाइहरु सग च्याटिङ पनि पहिले भन्दा अलि बढी नै हुन्छ ।

सामाजिक संजालमा कोरोना सम्बन्धिका समाचार हरु नियमित हेर्ने गरेको छु । त्यसपछि भान्सामा आमालाई सघाउछु । खाना पछी एकछिन आराम गर्छु । अनि फेरी सामाजिक संजाल तिर अपडेट हुने घरपरिवार संग इन्डोर गेमहरु खेल्ने काम हुन्छ । त्यसपछि खाजा पकाउने खाने सामाजिक संजाल हेर्ने खाना पकाउने खाने र पुन सुत्ने मेरो दैनिकी हो ।

रेशम रोका क्षेत्री
मजदुर

देशमा यतिखेर ठुलो रोग आएकोछ रे त्यसैले जताततै बन्द छ । कतै काम चलेको छैन । हामी दिनभर काम गरेर साझ बिहान छाक टार्ने मजदुरहरु काम नचलेकाले हामीलाई छाक टार्न गाह्रो भएको छ । यदि कुनै कारणले १/२ दिन मात्र काम रोकियो भने के खाउ के खाउ भन्ने समस्या हुन्छ हामीलाई । यत्रो २० /२२ दिन काम नगरेर बस्दा निकै समस्या उत्पन्न भएको छ । यहि ज्याला मजदुरी गरेर मात्र हाम्रो गुजारा चल्ने हो । तर अहिले कहिँ कतै काम छैन ।

हामी दुखारिको उठ्ने समय पनि के सोध्नुहुन्छ । कहिलेकाही त रातभर निद्रै लाग्दैन सधैं जस्तो बिहान ४ बजे नै निद्रा खुल्छ । काम हुँदा मजदुर गर्न जाने हतारो हुने गर्दथ्यो । दुख भएपनि भोका भोकै बस्ने पीडा त हुदैनथ्यो । तर आजकाल त झनै उल्टो भोकले मरिन्छ कि भन्ने पीडा भएको छ । खाना सकिएको कति दिन भैसक्यो । यहि खोले बनाएर खाने हो ।

वडा कार्यालयले राहत चामल दिन्छ रे भनेर आएको । तर कार्यालय बन्द रहेछ । वडाको नम्बरमा फोन पनि हानेको फोन अफ रहेछ । आजभोली दिनभर बस्ने साझ बिहान के खाने भन्ने चिन्ताले सताउछ । अनि साझ त्यस्तै सुत्ने यसरी नै बितेको छ दिन । बरु यो बन्द कैले खुल्छ ?

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…