लकडाउनको समयमा चोरबाटो हुँदै आएका भारतीय र पाकिस्तानीगरि ३३ विदेशी सुनसरीका मस्जिदमा

इटहरी : सुनसरीका तीनवटा मस्जिदमा ३३ जना विदेशी रहेका छन्। उनीहरुले तीनदेखि चार महिनाअघि नेपाल आएको बताएपनि लकडाउनको समयमा चोरबाटो हुँदै भारतबाट नेपाल आएको प्रहरीको अनुमान छ।

वीरगन्जको मस्जिदमा लुकेर बसेका तीन जना मुस्लिम धार्मिक गुरुमा कोरोना संक्रमण देखिएपछि सुनसरी प्रहरीले यहाँका मस्जिदमा बस्ने विदेशी माथि अनुगमन बढाएको हो। सुनसरीको हरिनगर गाउँपालिका १ स्थित जामिया मस्जिद मरकजमा १४ भारतीय र इटहरी १८स्थित जतपुर मस्जिदमा ८ जना पाकिस्तानी फेला परेका हुन्।

मस्जिदले गुपचुप राखेपनि स्थानीयले दिएको सुचनाका आधारमा उनीहरुबारे निगरानी बढाएर स्वास्थ्य परीक्षणमा कडाई गरेको छ। प्रारम्भिक परीक्षणमा उनीहरुमा कोरोनाको कुनै लक्षण नदेखिएको प्रहरीले जनाएको छ। सुनसरीकै दुहवी १ स्थित जामे मस्जिदमा ११ पाकिस्तानी मुस्लिम धर्मगुरु भेटिएका छन्। गत फागुन २४ गते पाकिस्तानबाट काठमाडौहुँदै सुनसरी आएका उनीहरुलाई मस्जिदभित्रै निगरानीमा राखिएको छ।

उनीहरु लकडाउन सुरु हुनुभन्दा एक दिनअघि चैत्र १० गते दुहबी आएका थिए। भारतीय र पाकिस्तानीहरुभन्दा धेरै बढी संख्यामा चोर बाटोहुँदै नेपालीहरु भारतबाट नेपाल छिरेको अनुमान गरिएको छ। मस्जिदमा रहेका विदेशी केही महिना अघि नै आएका सुनसरी प्रहरी प्रमुख यज्ञविनोद पोखरेलले बताए। सुनसरी आउने स्वदेशी तथा विदेशीलाई निगरानीमा राखिएको उनले जानकारी दिए।

गत साता सुनसरीको भोक्राहा नर्सिङ गाउँपालिका घर भएका ६ जना सप्तरीहुँदै नेपाल छिरेका थिए। उनीहरुलाई अहिले सप्तरीको बोदे बसाइनमा रहेको क्वारेन्टाइनमा राखिएको छ। खुला सीमाका कारण लकडाउनपनि मानिसहरु निर्बाध नेपाल प्रवेश गरिरहेका सुनसरीको सीमावर्ती कोशी गाउँपालिकाका अध्यक्ष ऐउव अन्सारी बताउँछन्।

सुनसरीको सीमावर्ती गाउँपालिका हरिनगराका अध्यक्ष गफार अन्सारीले पनि भारतसँगको ८ किलोमिटर खुल्ला सीमाबाट नेपाल छिर्न सहज भएको बताए। उनका अनुसार नेपाल भित्रिनेहरु खेत खेतबाट आउने गरेका छन्। उनीहरुलाई रोक्न र विस्तृत सुचना लिन गाह्रो भएको अन्सारीको भनाई छ। सीमा क्षेत्रमा सतर्कता बढाउन सशस्त्र प्रहरीले प्रदेश १ का चार जिल्लाका १ सय ५१ स्थानबाट सीमा क्षेत्रको निगरानी गर्न थालेको छ।

इलाममा ७, सुनसरीमा ५१, मोरंगमा ३५ र झापाका ५८ ठाउँमा सशस्त्र प्रहरी परिचालन गरिएको छ। पाँच दिनयता मात्रै ३ सय ५० जना सुरक्षाकर्मी थपिएको सशस्त्र प्रहरी बल नं. १ बराहबाहिनी प्रमुख नगेन्द्र थापाले जानकारी दिए। उनका अनुसार कोरोना संक्रमण बढेपछि पूर्वका सीमा क्षेत्रमा ३ हजार ५ सय सशस्त्र प्रहरी परिचालित छन्।

भर्खरै प्रकाशित

एक्सनमा देउवा सरकार : ‘स्मार्ट लाइसन्स टेन्डर गर्ने पदाधिकारीमाथि छानविन…

काठमाडौँ । प्रतिनिधिसभा, विकास तथा प्रविधि समितिले ‘स्मार्ट’ चालक अनुमतिपत्र छपाइमा भइरहेको ढिलाइप्रति छानबिन गरी आवश्यक कारवाही गर्न सरकारलाई निर्देशन दिएको छ । समितिको आज…

मुख्यमन्त्री कार्यालयमा बन्धक बनाएर जबरजस्ती नक्कली विज्ञप्ति बनाइयो : बिमला…

काठमाडौं। लुम्बिनी प्रदेशकी सांसद विमला खत्री वली पुनः नेकपा माओवादी केन्द्रमा फर्किएकी छन्। यसअघि माओवादी केन्द्रको सम्पर्कबाहिर रहेकी उनी एमालेमा प्रवेश गरेको विज्ञप्तिहरु सार्वजनिक भएका…

प्रधानमन्त्री देउवा पुत्र जयवीर सिंहलाई झुक्याइयो

काठमाडौं । प्रधानमन्त्री शेरबहादुर देउवाका छोरा जयविर सिंह देउवा पनि राजनीतिमा सक्रिय हुन थालेको छन् । हाल पार्टी भित्रका नेताहरुसँग दोस्ती बढाउन चरणमा छन् ।…

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…