उडान नहुँदा ११ नेपालीको शव यूएईमै रोकियो, यतै अन्त्येष्टि गर्ने तयारी

यूएई – कोरोनाको कारण अन्तर्राष्ट्रिय उडान बन्द हुँदा यूएईमा ११ जना नेपालीको शव रोकिएको छ । उडान नभएपछि लकडाउनअघि र त्यसपछि ज्यान गुमाएका ११ नेपालीको शव यूएईमै रोकिएको हो । विभिन्न कारणले ज्यान गुमाउने ११ नेपालीको शव अहिले यूएईका अस्पतलामै छन् ।

रुपन्देहीकी बिनु पराजुलीको मृत्युपछि मात्रै मृत्युको कारण कोरोना भएको अस्पतालले पुष्टि गर्‍यो । उहाँको यूएईमै अन्त्येष्टि गर्ने परिवारको तयारी छ । तर नेपाली दूतावासले पराजुलीको मृत्युको कारण पुष्टी गर्न सकेको छैन ।

यस्तै आफ्नै कोठामा मृत भेटिएका नुवाकोटका हरिशरण डोटेलको शव अनुसन्धानका लागि भन्दै राखिएको छ । अनुसन्धान नसकिएकोले अहिलेसम्म डोटेलको मृत्युको कारणसमेत खुलेको छैन ।

यूएईमा कास्कीका सम्मरबहादुर सुनार, धनुषाका वीरेन्द्र दास, झापाकी निता चौधरी, ताप्लेजुङका राजु पञ्चकोटी, खोटाङका दिलिप तामाङ, रुपन्देहीका सुरज थापासहित अरु ३ जनाको शव नेपाल पठाउन सकिएको छैन ।

सामान्य अवस्थामा यूएईमा ज्यान गुमाएका नेपालीको शव तीनदेखि सात दिनभित्र नेपाल पठाउने गरिए पनि अहिले कोरोनाका कारण उडान ठप्प हुँदा शव पठाउन नसकिएको यूएईमा रहेको नेपाली दूतावासले जनाएको छ ।

लकडाउन लम्बिंदै जाने हो भने शवको व्यवस्थापन गर्न थप कठिन हुने देखिएको छ ।

यूएईमै अन्त्येष्टि गर्ने तयारी

उच्च निमोनियाका कारण दुबईमा ज्यान गुमाएका कास्कीका सम्मरबहादुर सुनारको यतै अन्त्येष्टि गर्ने परिवारको तयारी छ । मृतकको छोरा र भाइ यूएईमै कार्यरत भएकाले पनि सुनारको शव यतै अन्त्येष्टि गर्ने गरी परिवारसँग समन्वय भैरहेको कास्की सेवा समाजका अध्यक्ष केदार कुँवरले जानकारी दिनुभयो । कानुनी रुपमा दूतावासमार्फत आवश्यक प्रक्रिया पुर्‍याएर अन्त्येष्टि गरिने परिवारले जनाएको छ ।

शव व्यवस्थापन गर्न प्रयासरत छाै‌ ः दूतावास
आबुधाबीमा रहेको नेपाली दूतावासले शव व्यवस्थापन गर्ने विषयमा वैदेशिक रोजगार बोर्ड, कन्सुलर सेवा तथा सम्बन्धित निकायसँग समन्वय गरिरहेको श्रम काउन्सिलर निर्मला थापाले जानकारी दिनुभयो ।

दूतावासले गर्नुपर्ने प्रकृया गरिरहेको र नेपालमा रहेका निकायहरुले प्रकृयागत रुपमा परिवारको अनुमति लिएर शव यतै अन्त्येष्टि गर्न सकिने व्यवस्था छ । त्यसका लागि परिवारको अनुमति भने अनिवार्य चाहिन्छ । दूतावास आफैंले पनि सम्पर्कमा रहेका सम्बन्धित परिवारसँग सल्लाह गरिरहेको जनाएको छ ।

मृतकको सँख्या बढेसँगै यहाँका उच्च निकायमार्फत दूतावासलाई सक्दो छिट्टो शव व्यवस्थापन गर्न अनुरोध आउन थालेको छ । ‘दूतावास आफैंले शवको विषयमा निर्णय गर्ने अधिकार राख्दैन, कतिपय परिवारले समन्वय गरेर यूएईमै रहेका आफन्त वा परिवारका सदस्यहरुले यहीँ अन्त्येष्टि गर्ने भन्नुभएको छ,’ श्रम काउन्सिलर थापाले भन्नुभयो ।

एउटा जहाजमा दुई वटा मात्र शव ल्याउन मिल्छ । । त्यसैले उडान सुरु भए पनि सबै शव नेपाल लैजान समस्या छ ।

शव ल्याउने सम्बन्धमा छलफल हुँदैछ : बोर्ड

वैदेशिक रोजगार बोर्डले विदेशमा ज्यान गुमाउनेको शव नेपाल झिकाउने र कानुन अनुसार मृतकका परिवारलाई राहत र क्षतिपूर्ति दिने गर्छ । तर अहिलेको परिस्थितीमा शव झिकाउन सकिने या नसकिने भनेर बोर्डले विभिन्न नियोगसँग छलफल गरिरहेको जनाएको छ ।

‘यो समस्या झन थपिने देखिएको छ’ बोर्डका कार्यकारी निर्देशक राजनप्रसाद श्रेष्ठ भन्नुहुन्छ, ‘बोर्डले विदेशस्थित सबै नियोगहरुलाई पत्राचार गरेर शवको सँख्या, ल्याउन सकिने वा नसकिने विषयमा छलफल गर्ने र कन्सुलर सेवा तथा विभिन्न निकायसँगको समन्वयमा शवको व्यवस्थापनका लागि गृहकार्य गरिरहेको छ ।’

अहिले उडान बन्द भएकाले शव ल्याउन समस्या भएको बोर्डको भनाई छ । यूएईमाभन्दा धेरै मलेसिया, कतार र साउदीमा शव रोकिएका छन् ।

भर्खरै प्रकाशित

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले…

दुर्गेशलाई बहिष्कार गर्ने दोहोरीगीत प्रतिष्ठानको निर्णय प्रतिष्ठानका कुनै पनि सदस्यले दुर्गेशसँग सहकार्य नगर्ने राष्ट्रिय लोक तथा दोहोरीगीत प्रतिष्ठान नेपालले गायक एवं मोडल दुर्गेश थापालाई संस्थागत…

प्रदेशसभा सदस्य बिमलाई नेपालगञ्ज अस्पताल लैजाने भन्दै मुख्यमन्त्री निवास बुटवल…

केहीदिनअघि सम्पर्कविहीन भएकी दाङ क्षेत्र नम्बर ३(२)का प्रदेशसभा सदस्य बिमला खत्रीलाई लुम्बिनी प्रदेशका मुख्यमन्त्रीको निवासमा राखिएको स्रोतले दाबी गरेको छ । उहाँ उपचारका लागि नेपालगञ्जमा…

थोरै जनसंख्या भएको देश कतारले पनि पहिलोपटक जित्यो ओलम्पिकमा स्वर्ण

टोकियो । भारोत्तोलक फारेज अल बाखले दुई कीर्तिमान राख्दै शनिबार कतारलाई ओलम्पिक इतिहासमा पहिलो स्वर्ण पदक दिलाएका छन् । २०१९ को विश्व च्याम्पियनसिपमा रजत पदक जितेका…

दार्चुला घटनाको सत्यतथ्य बुझ्‍न गृह मन्त्रालयको टोली सोमबार घटनास्थलतर्फ जाने

काठमाडौँ । महाकाली नदी तर्ने क्रममा तुइन चुँडिएर दार्चुलाका जयसिंह धामी खसेर वेपत्ता भएको घटना छानविन गर्न गृह मन्त्रालयको टोली सोमबार घटनास्थलतर्फ जाने भएको छ…

म्यानमारका एक सैन्य नेताद्वारा आफूले आफैँलाई प्रधानमन्त्री भएको घोषणा

काठमाण्डाै । कु गरेको केही समयमै  म्यानमारका सैन्य नेता मिन अंग हलाङ्गले आफुले आफैलाई  प्रधानमन्त्री घोषणा गरेका छन्  । गएको फेब्रुअरीमा प्रजातन्त्रवादी नेतृ आङ सान…