यूएईबाट नेपाल फर्कन चाहने नेपालीहरुको लागि पहल गर्न दूतावासलाई ‘एनआरएनए’को आग्रह

यूएई, २६ चैत । नेपाल एशोसियसन (एनआरएनए) यूएईले नेपाल जान चाहने इच्छुक नेपालीहरुका लागि व्यवस्थापन गरिदिन अबुधाबी, यूएईस्थित नेपाली दूतावासलाई आग्रह गरेको छ ।

एनआरएनए यूएईका जनरल सेक्रेटरी नरेश सेनले प्रेस विज्ञप्ती जारी गर्दै कोरोना भाइरस संक्रमणका कारण यूएईमा रहेका नेपाल जान चाहने नेपालीहरुको व्यवस्थापन गर्न आग्रह गरेका हुन् ।

कोभिड १९ का कारण धेरै नेपालीहरुले आफ्नो काम गुमाउनु परेको, भिजिटमा रहेका नेपालीहरुलाई खान र बस्न समस्या परेको, हाल काम गरिरहेका कम्पनीहरुमा घट्दो तलबमा काम गर्नुपरेको, संक्रमणको थ्रेसहोल्डका आधारमा प्राथमिकता दिनुपर्ने भएकोले क्याम्पमै लकडाउन हुनुपरेको र भिषा क्यान्सिल भई घर जान नपाउँदा अलपत्र परेकाहरुलाई नेपाल फर्काउनका लागि दूतावासलाई आग्रह गरिएको हो ।

यसैबीच एनआरएनए यूएईले सर्वोच्च आदालतले सम्पूर्ण नेपालीको हितका लागि गरेको निर्णय (परिशिष्ट १)लाई स्वागत गर्दै आभार प्रकट गरेको छ । विज्ञप्तीमा उल्लेख गरिएको छ, “हरेक विषम परिस्थितिको अभिभावक नेपाली राजदूतावास मार्फत यूएईबाट नेपाल जान चाहने नेपालीहरुको प्रस्थानका लागि नेपाल सरकारसमक्ष हाम्रो आग्रह पुर्याइदिन र प्रकृया अविलम्ब शुरु गरिदिन हार्दिक अनुरोध गर्दछौं ।”

त्यस्तै, एनआरएनए यूएईले आवश्यक परेको खण्डमा नेपाल जान चाहने व्यक्तिहरुको डाटा संकलन एवं परामर्शका लागि सहयोगी भूमिका निर्वाह गर्ने प्रतिवद्धता व्यक्त गरेको छ ।

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…