सचेतनामुलक अभियान : वडाध्यक्ष मोटरसाइकल चलाउछन्, स्वास्थ्यकर्मीले माइकिङ गर्छन्

रोल्पा- विश्वव्यापी महामारीको रुपमा फैलिएको कोरोना (कोभिड–१९) भाइरसबारे गाउँ-गाउँमा बिभिन्न प्रकारले सचेतनामुलक अभियान चलिरहेका छन्। स्वास्थ्यकर्मी, जनप्रतिनिधि, कर्मचारी, स्थानीय बुद्धिजिबिले आफ्नो मौलिकतामा जानकारी फैलाउने गरेका हुन्। यसैबीच रोल्पाको लुङग्री गाउँपालिका-१ पाङका गाउँगाउँमा सचेतना फैलाउन वडाध्यक्ष र स्वास्थ्य चौकी इन्चार्ज आफै खटिएका छन्।

मोटरसाइकल पछाडी पिठ्यूमा साउण्ड बक्स बोकेर माइकिङ गर्दै गाउँ-गाउँमा कोरोनाबाट जोगिन गाउँलेलाई जानकारी दिने काम भईरहेको छ। पाङ स्वास्थ्य चौकीका इन्चार्ज दामोदर पुलामी र लुंग्री गाउँपालिका–१ का वडा अध्यक्ष मति पुन तीन दिनयता गाउँ टोलमा साउण्ड बक्स बोकेर जानकारी दिन हिडेका हुन्। वडा अध्यक्ष पुनले मोटरसाइकल चलाउने र स्वाथ्य इन्चार्ज पुलामीले पछाडि बसेर माइकिङ गर्दै हिड्ने गर्दछन्।

‘बिहान ७ देखि १० बजेसम्म गाउँमा हिड्छौ अनि बेलुका ४ बजेपछि फेरी माइकिङ गर्दै हिड्ने गरेका छौ। घरमै बस्न, साबुन पानीले नियमित हात धुन जानकारी दिन्छौ।’ स्वास्थ्य चौकी इन्चार्ज पुलामीले भने ‘वडा अध्यक्ष आफै हिडेपछि हाम्रो अभियान प्रभावकारी बनेको छ। बैदेशिक रोजगारीबाट आएकालाई घरमा गएर भेट्ने र होम क्वारेन्टाइनमा बस्न निर्देशन दिने गरिएको छ भने टोल-टोलमा हातधुने व्यवस्था समेत गरेका छौ।’

पुलामीका अनुसार केही दिनअघि भारतको दिल्लीबाट पाङ फर्किएका चार जनालाई ‘होम क्वारेन्टाइन’मा राखिएको छ। ‘अहिले फेरी वडा अध्यक्षज्युसंगै इन्डीयाबाट आएका दुई जनालाई भेट्न जादैछौ।’ पुलामीले भने ‘अध्यक्षज्युले मोटरसाइकल चलाउनु हुन्छ म पछाडी बसेर माइकिङ गर्छु।’

भर्खरै प्रकाशित

हिमालयका जहाजमा राखियो हार्ट अट्याक भएमा रोक्ने मेसिन

काठमाण्डाै । नेपालबाट अन्तर्राष्ट्रिय उडान भर्दै आएको हिमालय एयरलाइन्सले यात्रुको सुरक्षालाई मध्यनजर गर्दै ‘अटोमेटेड एक्स्टर्नल डेफिब्रिलेटर’ (एइडी) सेवा सुरु गरेको छ । नेपाल–चीन संयुक्त लगानीको…

इन्टरनेटको शुल्क प्रति–महिना तीन सय रुपैयाँसम्म बढाउने निर्णय

काठमाण्डाै । इन्टरनेट सेवा प्रदायकले शुल्क बढाउने भएका छन् । नेपाल विद्युत् प्राधिकरणले पोल भाडा बढाएको भन्दै सेवा प्रदायकले उपभोक्तासँग थप शुल्क लिने निर्णय गरेका…

एमसीसीविरुद्ध दाङमा युवाहरूको प्रदर्शन 

हिमाली पत्रिका  ३१ भदौ, घोराही । अमेरिकी आर्थिक सहयोग सम्बन्धी परियोजना मिलेनियम च्यालेन्ज कर्पोरेसन (एमसीसी) विरुद्ध दाङमा प्रदर्शन गरिएको छ । बिहीबार स्वतन्त्र देशभक्त युवा सञ्जालले…

हतारमा विद्यालय नखोल्न सरकारको निर्देशन

स्वास्थ्य तथा जनसङ्ख्या मन्त्रालयले हतारमा विद्यालय सञ्चालन नगर्न निर्देशन दिएको छ । शिक्षा, विज्ञान तथा प्रविधि मन्त्रालय कोभिड–१९ सङ्कट व्यवस्थापन केन्द्र र शिक्षा सरोकारवालासँग आज…

भारतले बढायो नेपालमा आउने विजुलीको मूल्य दर

काठमाडौं । नेपाल विद्युत् प्राधिकरणले गत आर्थिक वर्षमा २ दशमलव ४४ प्रतिशत बढी (महँगो) दरमा भारतीय विद्युत् आयात गरेको पाइएको छ । प्राधिकरणले हालै सार्वजनिक…