‘लकडाउनलाई अटेरी नगरौं, आफन्तको शव हेरेर रुन पनि नपाउने अवस्था आउन सक्छ’

कोरोना भाइरसको रोकथाम र नियन्त्रणको लागि सरकारले लकडाउन गरेको छ । मंगलबार लकडाउन पूर्ण रुपमा सफल भएको सरकारको दावी छ । नागरिकको सुरक्षाको लागि नै सरकारले लडडाउन गरे पनि केही ठाउँमा भने यसको उल्लंघन भएको छ । नागरिकले सरकारलाई नटेरेको जस्तो देखिएको छ । तर सरकारले भने लकडाउनको उल्लंघन गर्नेले निकै पछुताउनुपर्ने चेतावनी दिएको छ ।

उज्यालो अनलाइनसँगको कुराकानीमा परराष्ट्रमन्त्री प्रदीप ज्ञवालीले अहिले बाहिर निस्कने र सरकारलाई नटेर्नेले ठूलो मूल्य चुकाउनुपर्ने र आफन्तको शव समेत हेर्न नपाउने दिन आउनसक्ने भएकाले सचेत हुन आग्रह गर्नुभएको छ ।

‘समग्रमा लकडाउन नागरिकले पालना गर्नुभएको छ, उहाँहरुलाई म धन्यवाद भन्छु, धेरैले आफूलाई सुरक्षित राख्नुभएको छ, तर केहीले भने यसलाई पालना गर्नुभएको छैन, उहाँहरुले आफ्नै लागि पनि सोच्नुपर्छ’ ज्ञवालीले भन्नुभयो ।

कोरोनाको औषधि अहिलेसम्म पत्ता नलागेको र संसारका विकसित र स्वास्थ्य अनुसन्धानको क्षेत्रमा अब्बल ठहरिएका देश पनि हायलकायल हुने अवस्थामा रहेकाले नेपालमा पूर्वसतर्कता नै सबैभन्दा ठूलो बुद्धिमानी हुने परराष्ट्रमन्त्री ज्ञवालीको भनाई छ । तर अहिले सतर्कता नअपनाए पछि पछुताउनुको विकल्प नहुने पनि ज्ञवालीले बताउनुभयो ।

‘अहिले सचेतना अपनाउनुपर्छ, यदि हामीले अटेरी गर्दा भोलि बिरामी हुँदा कोही भेट्न आउन पाउनुहुन्न, दुखद निधन भयो भने आफन्तको शव हेरेर रुन पनि पाइन्न, अवस्था त्यस्तो भयावह हुन सक्छ, त्यसैले अहिले सरकारले भनेको कुरालाई पालना गर्न म अनुरोध गर्दछु ।’

कोरोना फैलन थाल्यो भने चैत वैसाखको डढेलो भन्दा पनि छिटो फैलने भएकाले बरु थोरै दुःख परे पनि घरमै बस्न मन्त्री ज्ञवालीले आग्रह गर्नुभएको छ ।

भर्खरै प्रकाशित

विप्लवको सुरक्षामा इन्स्पेक्टरको कमान्डमा अगुवा गाडीसहित १० जना प्रहरी

गृह मन्त्रालयले नेपाल कम्युनिष्ट पार्टीका महासचिव नेत्र विक्रम चन्द ‘विप्लव’ को सुरक्षाको लागि प्रहरी निरीक्षक(इन्स्पेक्टर)सहित १० जनाको टोली खटाएको छ। गत शुक्रबार सार्वजनिक भएका विप्लव…

अंकमाल गर्दै विदा भए एमाले-माओवादी

धरान । सर्वोच्च अदालतले साविक एमाले र माओवादी केन्द्रलाई एथावतको फैसला सुनाएपछि सुनसरीका विभिन्न स्थानमा नेकपाको बोर्ड हटाएर एमालेको बोर्ड राखिएको छ । मंगलबार नेकपाको…

राष्ट्रपतिले दिइन् मुस्कान खातुनलाई बधाई

वीरगन्जकी छपकैयाकी मुस्कान खातुनले अमेरिकी विदेश मन्त्रालय दिने अवार्ड जितेपछि राष्ट्रपति विद्यादेवी भण्डारीले बधाई दिएकी छन्। १५ वर्षीया खातुनले विदेश मन्त्रालयले दिने यस वर्षको ‘इन्टरनेसनल…

‘मैले कोरेकै गोरेटोमा आइपुगे भन्दै’ विप्लवको नाम लिएर यस्तो भने…

नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले आफ्नो पार्टी (टिम) मा स्वागत गर्न चाहेको र आउनैपर्ने बताएका छन् । शनिबार पेरिसडाडाँमा आयोजित पार्टी समायोजन तथा…

केपी ओली एकदमै गन्हाउने कुहिएको अण्डा, त्यसलाई गाडिन्छ या जलाइन्छ…

नेकपा अध्यक्ष पुष्पकमल दाहालले कम्युनिष्टहरू एकदमै राम्रा पनि हुने र ती बिग्रिन थाले भने कुहिएको अण्डा हुने बताएका छन्। अहिले प्रधानमन्त्री त्यही कुहिएको अण्डा भएको…