डोनाल्ड ट्रम्प कोरोनाभाइरसलाइ ‘चाइनिजभाइरस’ भन्न थालेपछि अमेरिकीमा चाइनिजमाथि दुर्व्यवहार

न्युयोर्क । पछिल्लो समय विश्व स्वास्थ्य संगठनको सल्लाहलाई बेवास्ता गर्दै अमेरिकी राष्ट्रपति डोनाल्ड ट्रम्पले कोरोना भाइरसलाई निरन्तर ‘चाइनिज भाइरस’ भन्दै आएका छन् । यस्तो अभिव्यक्तिका कारण ट्रम्पको सर्वत्र आलोचना भइरहेको छ ।

आफूमाथिको आलोचनालाई बेवास्ता गर्दै ट्रम्प अझै एक कदम अगाडि बढेर आफ्नो लिखित मन्तव्यमा समेत कोरोना भाइरस लेखिएका ठाउँमा कोरोना काटेर चाइनिज लेखिरहेका छन् ।

बिहीबार कोराना भाइरससम्बन्धी दैनिक प्रेस ब्रिफिङमा ट्रम्पले आफ्नो लिखित नोटमा ‘कोरोना’ मेटेर ‘चाइनिज भाइरस’ लेखे । द वासिङटन पोस्टका फोटाग्राफर ज्याबिन बोट्सर्फडले ट्रम्पको उक्त फोटो सामाजिक सञ्जाल मार्फत सार्वजनिक गरेका थिए ।

पटक-पटक धेरै स्थानमा पत्रकारले किन चाइनिज भाइरस भनेको ? भनेर ट्रम्पलाई प्रश्न गर्दा उनी निर्धक्क भन्छन् , ‘यो चाइनाबाट आएको हो, त्यही भएर म यसलाई चाइनिज भाइरस भन्छु ।’

‘तर, यो त रंगभेदी अभिव्यक्ति हो नि ?’ भन्दा राष्ट्रपति ट्रम्पले त्यसलाई ठाडै अस्वीकार गर्दै आएका छन् ।

केही समयअघि चीनका विदेश मन्त्रालयका प्रवक्ताले एक टि्वटमार्फत अमेरिका सेनाले चीनमा भाइरस भित्र्याएको भनी अप्रत्यक्षरुपमा आरोप लगाएपछि ट्रम्प चिढिएका हुन् ।

अक्टोबर महिनामा चीनको वुहानमै सम्पन्न भएको सेनाहरुको विश्व खेलमा भाग लिन अमेरिकी सेनाको टोली त्यहाँ गएको थियो ।

अहिले त राष्टपति ट्रम्पमात्र होइन, अमेरिकी विदेशमन्त्री माइक पम्पेओ लगायत ट्रम्प प्रशासनका अन्य पदाधिकारीहरुले पनि कोरोना भाइरसलाई ‘चाइनिज भाइरस’ भन्न थालेका छन् ।

विश्व स्वास्थ्य संगठनको आपत्ति

विश्व स्वास्थ्य संगठनले कोरोना भाइरसलाई ‘चाइनिज भाइरस’ वा ‘वुहान भाइरस’ नभन्न चेतावनी दिइरहेको छ ।

विश्व स्वास्थ्य संगठनको एर्मेजेन्सी प्रोग्रामका कार्यकारी निर्देशक माइक रायनले यस्ता कार्य गर्नाले रंगभेदी भेदभाव हुन सक्ने औंल्याएका छन् ।

यस्तै रंगभेदी व्यवहार कसैमाथि नपरोस् भनेरै विश्व स्वास्थ्य संगठनले यस भाइसरलाई कोभिड १९ को नाम दिएको हो । CO को अर्थ कोरोना, VI को अर्थ भाइरस र D को अर्थ डिजिज (रोग) हो । र, यो सन् २०१९ मा देखापरेको ले १९ भनिएको हो ।

चाइनिजमाथि दुर्व्यवहार

अमेरिकामा चाइनिज मूलका अमेरिकीमाथि कुटपिटका घटनाहरु पनि सार्वजनिक हुन थालेका छन् ।

अमेरिकी नेतृत्वले नै यसरी रंगभेदी टिप्पणी गर्दे जाँदा जनस्तरमा यस्ता अप्रीय घटनाहरु अझ बढ्न सक्ने भन्दै सरोकारवालाहरु चिन्ता व्यक्त गरेका छन् ।

भर्खरै प्रकाशित

सीता दाहालको व्यथामाथि किन नूनचूक छर्छन् केपी ओली?

काठमाडौं। सातौं संविधान दिवसका अवसरमा आइतबार सरकारले विभिन्न पदकहरूद्वारा ९०० भन्दा बढी व्यक्तिलाई सम्मानित गर्‍यो। त्यसमध्ये गणतान्त्रिक आन्दोलनका योद्धा कमरेड सीता दाहाललाई प्रवल जनसेवाश्री पदकद्वारा…

सञ्‍चालन नहुँदै सकियो रेल इन्जिनको वारेन्टी, अध्यादेश निष्क्रिय भएपछि रेल…

जनकपुर । जयनगरदेखि कुर्थासम्म चल्ने गरी भारतसँग खरिद गरिएका दुई रेल इन्जिन र बोगीको वारेन्टी सञ्चालन नहुँदै आइतबारदेखि सकिएको छ । गत वर्ष असोज ३…

अमेरिका छिर्ने क्रममा ५ दर्जन नेपाली जर्मनीमा पक्राउ

पेरिस । काठमाडौंबाट दुबई, मस्को र मेक्सिको हुँदै गैरकानुनी रूपमा अमेरिका छिर्न खोज्ने झन्डै पाँच दर्जन नेपाली फ्र्यांकफर्ट विमानस्थलमा पक्राउ परेका छन् । यही रुटबाट…

एमालेमा ७० वर्षे उमेर हद कायमै, सबै पदाधिकारी निर्वाचित हुने

३ असोज, काठमाडौं । नेकपा एमालेको दशौं महाधिवेशनमा पनि ७० वर्षे उमेर हद कायमै राख्ने प्रस्ताव गरिएको छ । आइतबार शुरु भएको स्थायी कमिटी बैठकमा…

दाङमा ‘हनी ट्र्याप’मा पारेर पैसा असुलेको अभियोगमा तीन महिला पक्राउ

दाङ । एक पुरुषलाई ‘हनी ट्रयाप’ मा पारेर पैसा असुलेको अभियोगमा घोराहीमा तीन महिला पक्राउ परेका छन् । होटेलमा खाजा खान बोलाएर अन्तमा बलात्कारको मुद्दा…