कोरोनाभाइरसबाट बिरामी भए सम्पूर्ण उपचारखर्च राज्यले व्यहोर्छ : स्वास्थ्यमन्त्री

काठमाडौं : स्वास्थ्यमन्त्री भानुभक्त ढकालले कोरोना भाइरसबाट सं क्रमित भए उपचार खर्च राज्यले व्यहोर्ने बताएका छन् । नेपालमा कोही पनि कोरोनाबाट सं क्रमित नभएको जानकारी दिँदै मन्त्री ढकालले सं क्रमण भित्रिन नदिन सरकारले आवश्यक तयारी गरिरहेको बताए ।

‘कोरोनाबाट बिरामी भएको पुष्टि भए उपचारको सम्पूर्ण जिम्मा सरकारले लिन्छ’, राष्ट्रियसभा बैठकमा आइतबार उनले भने, ‘कोरोना नसार्ने कुराका लागि प्रत्येक नागरिकले सावधानी अपनाऔं भन्ने सरकारको आग्रह हो ।’

उनका अनुसार ४ सय ६४ जनाको परीक्षण गरिएकोमा सबैको रिजल्ट ‘नेगेटिभ’ आएको छ । ‘नेपालमा आजसम्म एक जना पनि सं क्रमित पाएका छैनौं’, उनले भने, ‘सं क्रमण देखियो भने आवश्यक औषधि र औजारको जोहो गरेका छौं ।’

उनले कोरोना भित्रिन नदिन उच्च सावधानी अपनाइएको सुनाए । हात धुन, भेटघाटमा नमस्कार गर्न, खाना खाँदा सावधानी अपनाउन, भीडमा नजान जनतालाई आग्रह गरिएको उनको भनाइ थियो ।

विदेशबाट आउनुपरे सात दिनसम्म खकार जाँच गरेको भए मात्र प्रवेश गराउने र विदेशीको हकमा ‘सेल्फ क्वारेन्टाइन’ तथा नेपाली आए ‘होम क्वारेन्टाइन’मा बस्नुपर्ने उनले बताए ।

चीनबाट उद्धार गरिएका नेपालीलाई जस्तो अब क्वारेन्टाइन गर्न सहज नभएको आफ्नो भनाइलाई बंग्याएर प्रचार गरिएको उनको गुनासो थियो । ‘क्वारेन्टाइन भनेको सुरक्षाका निम्ति अपनाइने उपाय हो’, उनले भने, ‘सेल्फ क्वारेन्टाइन भनेको आफ्नो घरमा बस्ने, बेड छुट्टै हुने, खाना आफंै खाने, परिवारका सदस्यसँग एक मिटर दूरी पर बस्ने भन्ने हो ।’

उनले कोरोना भाइरस १ सय ५२ राष्ट्रमा फैलिएको र ४६ देशमा नागरिकले ज्यान गुमाउनुपरेको उल्लेख गरे । कोरोनाबाट १ लाख ५६ हजार सं क्रमित देखिएको र ८० वर्षमाथिका व्यक्तिको मृ त्युदर बढी भेटिएको छ । उपप्रधान तथा रक्षामन्त्री ईश्वर पोखरेलको अध्यक्षतामा रहेको उच्चस्तरीय समितिले कोरोना रोगसम्बन्धी राज्यका तर्फबाट गर्नुपर्ने काम गरिरहेको उनले संसद्लाई जानकारी गराए ।

भारतसँगका १ सय २९ नाकामध्ये ४३ वटामा स्वास्थ्य बिन्दु राखेर चेकचाँज गरिएको र कूटनीतिकबाहेक अन्य भिसामा वैशाख १८ सम्म विदेशीलाई नेपाल आउन बन्द गरिएको उनले जनाए । कक्षा १ देखि ९ सम्मका ५० लाख विद्यार्थीको परीक्षा चैत ५ गतेभित्र सक्ने र सं क्रमणको अवस्था हेरेर एसईई सञ्चालन गरिने जानकारी उनले दिए । देशभर १ सय ७० आईसीयू सञ्चालनमा रहेको जनाउँदै उनले २ सय ३५ आईसीयू व्यवस्थापन गर्ने तयारी भइरहेको जनाए । आजको अन्नपुर्णपोस्टबाट 

भर्खरै प्रकाशित

पाकिस्तानमा नेपाली टोलीलाई क्रिकेट खेलाउन पहल गर्छु : शाहिद अफ्रिदी

काठमाडौं । पाकिस्तानका पूर्वक्रिकेट कप्तान शाहीद अफ्रिदीले नेपाली क्रिकेट टीमलाई पाकिस्तान लगेर क्रिकेट खेलाउन पहल गर्ने बताएका छन् । काठमाडौंमा आइतबार न्यूज एजेन्सी नेपालसँगको अन्तर्वार्तामा…

दशैं नजिकिदै गर्दा चीनबाट नेपालमाथि नाकाबन्दीको जस्तै व्यवहार, नाकामा चीनको…

काठमाडौं, १० असोज । दशैं नजिकिदै गर्दा चीनसँगको मुख्य नाकाहरुमा चीनले अवरोध सृजना गरेको छ । चीनबाट आयातमा अवरोध यथावत् छ । निर्यात झन् ठप्प…

कुलमानको पुनरागमनले पनि समाधान भएन विद्युतको समस्या, समस्या उस्तै

ऊर्जाको सम्भावनाका लागि कर्णाली धनी प्रदेश मानिन्छ । तर, यो प्रदेशमा अहिलेसम्म विद्युत उत्पादन क्षमता ३ मेगावाटमात्रै छ । उत्पादन क्षमता बढाउनु त परको कुरा…

गुल्मीमा गोकर्ण विष्टसँग रामकुमारी झाक्रीको चुनावी प्रतिस्पर्धा हुने

नेकपा एकीकृत समाजवादी पार्टीकी सचिव रामकुमारी झाक्रीले आगामी निर्वाचनमा गुल्मीबाट प्रतिनिधिसभा सदस्य पदमा उम्मेदवार हुने घोषणा गरेकी छन् । झाक्री गुल्मी क्षेत्र नम्बर २ बाट…

अमेरिकाले देशनिकाला गरेका वैज्ञानिक जसले चीनलाई चन्द्रमामा पुर्‍याए

बीबीसी । एकजना चिनियाँ वैज्ञानिकले एउटा होइन, दुई महाशक्ति राष्ट्रलाई चन्द्रमामा पुर्‍याउन सहयोग गरे। तर उनको कथा एउटा देशले मात्र सम्झिन्छ। साङ्घाईमा ७० हजार कलाकृति…