प्रधानमन्त्री केपीलाइ पिसाबमा सं क्रमण भएको आशंका

काठमाडौँ — प्रधानमन्त्री केपी शर्मा ओलीको पिसाबमा सं क्रमण भएको आशंका गरिएको छ । उपचारमा संलग्न चिकित्सक टोलीलाई ‘क्लेबसेला ब्याक्टेरिया’ को सं क्रमण भएको शंका लागेसँगै पिसाबको कल्चर गर्न पठाइएको छ । कल्चरको रिपोर्ट आउन कम्तीमा ४८ घण्टा लाग्ने भएकाले त्यो हेरेपछि मात्र डिस्चार्जबारे निर्णय लिन सकिने चिकित्सकहरूले बताएका छन् । यो समाचार आजको कान्तिपुरले छापेको छ। 

प्रधानमन्त्रीका निजी चिकित्सक प्रा.डा. दिव्यासिंह शाहले ओलीलाई हाल सं क्रमण हुने जोखिम उच्च रहेको स्वीकार गर्दै पिसाब कल्चर गर्न पठाइएको जानकारी दिइन् । उनका अनुसार बिहीबार परीक्षणको रिपोर्ट आएपछि मात्र थप केही भन्न सकिन्छ ।

‘उहाँलाई अहिले सं क्रमण जोखिम छ, त्यसैले हामीले हरेक दिन केही न केही परीक्षण गरी नै रहेका हुन्छौं । पिसाबको पनि त्यहीअनुरूप कल्चर गर्न पठाइएको हो,’ उनले भनिन्, ‘रिपोर्ट ४८ घण्टापछि आउँछ अनि मात्र थप भन्न सकिन्छ ।’

चिकित्सकका अनुसार प्रधानमन्त्री ओलीलाई पहिला पनि ‘क्लेबसेला ब्याक्टेरिया’ को सं क्रमण देखिएकाले अहिले शरीरको रोग प्रतिरोधात्मक क्षमता कम भएका बेला त्यो फेरि फर्किने सम्भावना प्रबल रहन्छ । उनलाई त्यसबेला ‘पिपेरासिलिन–ट्याजोब्याक्टम’ नामक एन्टिबायोटिक प्रयोग गरिएको थियो ।

प्रधानमन्त्री ओलीमा ‘क्लेबसेला’ को सं क्रमण रहेको रिपोर्ट आए उनको अस्पताल बसाइ थप केही दिन लम्बिन सक्छ । चिकित्सकका अनुसार रोग प्रतिरोधात्मक क्षमता कम भएका बिरामीलाई यो ब्याक्टेरियाको सं क्रमण हुने सम्भावना उच्च रहन्छ ।

त्यसमा पनि मिर्गौला प्रत्यारोपण गरिएका बिरामीमा यस प्रकारको पिसाबको सं क्रमण देखिने दर उच्च रहेको छ ।

सुरुमा चिकित्सकहरूले मिर्गौला प्रत्यारोपणको पाँचदेखि सात दिनभित्र डिस्चार्ज गर्ने बताए पनि ओलीलाई बुधबारसम्म ‘लिभर आईसीयू’ मै राखिएको छ ।

डा. शाहका अनुसार प्रधानमन्त्रीलाई सं क्रमण नहोस् भनेरै बालुवाटारमा उनी बस्ने कोठालगायत अन्य स्थानको ‘फ्युमिगेट’ (सं क्रमणका स्रोत हुन सक्ने सम्भावित स्थान पहिचान गरी त्यसलाई निर्मलीकरण गरिने पद्धति) पछि मात्र डिस्चार्ज गरिनेछ ।

बुधबारै क्रिटिकल केयरका एक चिकित्सक र डा. शाह बालुवाटार गएर निरीक्षण गरेका थिए । ‘बालुवाटारमा केही तयारी अझै बाँकी छ, त्यसले पनि डिस्चार्जको समय धकेलिएको हो । निवासमा तयारी सकिएपछि हामी छिट्टै डिस्चार्ज गर्छौं,’ उनले भनिन् ।

प्रधानमन्त्रीलाई पहिला पनि यस प्रकारको सं क्रमण देखिँदा निवासमै इन्जेक्सन दिने गरिएको थियो । एक विज्ञ चिकित्सकका अनुसार पिसाबमा ‘क्लेबसेला ब्याक्टेरिया’को संक्रमणसँगै ज्वरो पनि आए जोखिम रहने तर संक्रमण मात्र देखिए खासै आत्तिनुपर्नेछैन ।

उनका अनुसार रगतमा भन्दा पिसाबमा देखिएको सं क्रमण नियन्त्रण गर्न सहज हुन्छ तर ओलीलाई एक प्रकारको एन्टिबायोटिक मात्र प्रयोग गर्न मिल्ने भएकाले केही जटिलता भने रहन सक्छ ।‘संक्रमण नै देखिए पनि अरू लक्षण नभए आत्तिनु पर्दैन, एन्टिबायोटिकबाटै नियन्त्रण हुन्छ,’ उनले भने ।

भर्खरै प्रकाशित

रामबहादुर थापा र टोपबहादुर रायमाझीहरुलाई सम्झिँदा पनि एलर्जी हुन्छ :…

काठमाडौँ । माओवादी केन्द्रका अध्यक्ष पुष्पकमल दाहालले पार्टीबाट अलग्गिएका रामबहादुर थापा, टोपबहादुर रायमाझीहरुलाई सम्झिँदा पनि आफूलाई एलर्जी हुने गरेको टिप्पणी गरेका छन् । काभ्रेमा बिहीबार…

माधव नेपालको बचन : ‘पार्टी सरकारमा सहभागी हुनेवित्तिकै युवाहरुलाई रोजगारी…

नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टीले जनताको बहुदलीय जनवादलाई आत्मासात गर्न चाहेको बताएका छन्। अध्यक्ष नेपालले जनताको बहुदलीय जनताको मूल्य र मान्यतालाई रक्षा…

साहिद अफ्रिदी ‘एभरेस्ट प्रिमियर लिग’ खेल्न काठमाडौंमा

काठमाडौँ — पाकिस्तानी राष्ट्रिय क्रिकेट टोलीका पूर्वकप्तान साहिद अफ्रिदी ‘एभरेस्ट प्रिमियर लिग’ खेल्नका लागि बिहीबार काठमाडौं आइपुगेका छन् । बिहीबार अपराह्न ४ बजेपछि अफ्रिदी त्रिभुवन…

 नेपाली रुपैयाँसामु कमजोर बन्दै अमेरिकी डलर, अन्य देशको विनिमयदर, कुनको कति…

तुलनात्मक रुपमा पछिल्लो समय डलरसँग नेपाली रुपैयाँ बलियो बन्दै गएको नेपाल राष्ट्र बैंकले जनाएको छ । २०७८ असार मसान्तको तुलनामा २०७८ साउन मसान्तमा अमेरिकी डलरसँग…

गगन थापाको प्रश्न : प्रतिपक्षको भूमिका नाराबाजी गर्ने मात्र हो…

७ असोज, काठमाडौं । सत्तारुढ दल नेपाली कांग्रेसका सांसद गगन थापाले प्रमुख प्रतिपक्षी नेकपा एमालेका कारण अरु सांसदले पनि आफ्नो भूमिका निर्वाह गर्न नपाएको बताएका…