एमसीसी संशोधन नगरी ५५ अर्बको लागि राष्ट्रिय हित विपरीत सम्झौता हुँदैन : प्रचण्ड

सुकुटे : नेपाल कम्युनिस्ट पार्टी(नेकपा) का अध्यक्ष पुष्पकमल दाहाल ‘प्रचण्ड’ले एमसीसी अध्ययन गरी आवश्यक संशोधनपछि पास गरिने बताएका छन् ।

प्रथम सुकुटे महोत्सवको उद्घाटन गर्न आएका दाहालले शनिबार सञ्चारकर्मीसँग कुरा गर्दै अध्ययन नै नगरी त्यसको बिरोध वा समर्थन गर्नुको कुनै तुक नरहेको बताए । उनले मुलुकको हित विपरीत हुने बुंदालाई संशोधन गरी पास गर्न सकिन्छ भन्ने पार्टीको लाइन रहेको बताएका थिए ।

‘५५ अर्बको लागि आफ्नो राष्ट्रिय हित विपरीत सम्झौता हुँदैन, संशोधन नगर्दा अघि बढ्न कठिन छ,’ प्रचण्डले भने । दाहालले पार्टी एकता सुदृढ हुँदैगएको पनि बताए । नेता वामदेव गौतमको विषयलाई लिएर सुरु विवादबारे पनि प्रचण्डले विरोध गर्नु गलत रहेको संकेत गरेका थिए ।

एकाध नेताले निहुँ खोज्दैमा पार नलाग्ने र राष्ट्रिय सभाबाट प्रधानमन्त्री बन्न पाउने गरी संविधान संशोधन गर्ने उपाध्यक्ष वामदेव गौतमको व्यक्तिगत चाहना भएको उनको भनाइ थियो । संविधान संशोधनको शर्त फिर्ता लिएपछि मात्र वामदेवलाई राष्ट्रियसभामा पठाउने निणय भएको उनको दाबी थियो ।

‘नारायणकाजी श्रेष्ठ, वामदेव गौतम जस्ता मान्छे संसदमा पठाउँदा राष्ट्रियसभाको इज्जत बढ्छ । चुनाव हार्दैमा उहाँलाई अयोग्य भन्न मिल्दैन,’ दाहालले गौतमलाई राष्ट्रियसभामा पठाउने निर्णयको बचाउ गर्दै भने ।

सुकुटेसँग सम्बन्ध

बेलुन उडाएर महोत्सव उद्घाटन गरेका दाहालले कार्यक्रममा सुकुटेसँग आफ्नो भावनात्मक सम्बन्ध रहेको बताएका थिए । प्रचण्डले पटक पटक आराम गर्न र पार्टीको बैठक बस्न समेत सुकुटे आउने गरेको स्मरण गरे ।

राजधानीबाट नजिकको गन्तव्य भएकाले सुकुटे बिस्तारै पर्यटक हब बन्न थालेकोमा खुसी व्यक्त गरेका थिए । दाहालले सुकुटेको पर्यटन प्रवद्र्धन गर्न स्थानीय उत्पादन उपभोगमा जोड दिनुपर्ने धारणा राखे ।

पर्यटक आकर्षित गर्न सुनकोशीको संरक्षणमा विशेष ध्यान दिन पनि स्थानीयलाई आग्रह गरे । महोत्सवमा सहभागी हुन दाहाल शुक्रबार अपराह्न चितवनबाट हेलिकोप्टरमा सिधै सुकुटे आएका थिए । शुक्रबार परिवारसहित र्‍याफ्टिङ गरेका दाहालले शनिबार सुनकोशी नदीमा पहिलो पटक भित्र्याइएको जेट बोटके समेत उद्घाटन गरेका थिए ।

भर्खरै प्रकाशित

टीकटकमा रातभरी लाइभ बसेर दुई दिनमै दुई लाख कमाए पुण्य…

काठमाडौं । युट्यूवरलाई अन्तर्वार्ता दिएर दिन बिताउने पुण्य गौतम विश्वासको अचानक दिनचर्या फेरिएको छ । अचेल उनी दिनरात टीकटकमा झुण्डिइरहेका हुन्छन् । टीकटक लाइभमा बसेकै…

चौधरी ग्रुपले तिर्‍यो १४ अर्ब २८ करोड कर

काठमाडौँ । व्यावसायिक घराना चौधरी ग्रुपले आर्थिक वर्ष २०७७/७८ मा सरकारलाई १४ अर्ब २८ करोड रुपैयाँ कर तिरेको बताएको छ । उक्त आवमा सरकारले संकलन गरेको…

कतारकी राजकुमारी शेखा आस्मा अल थानीले मनास्लुको शिखर चुमिन्

गोरखा । कतारी राजकुमारी शेखा आस्मा अल थानीले विश्वको आठौँ अग्लो मनास्लु हिमालको शिखर चुमेकी छिन् । सोमबार बिहान साँढे १० बजे राजकुमारी शेखाले ८,१६३…

बुद्ध एयरमा किन दोहोरिरहेको छ प्राविधिक समस्या ?

काठमाडौं । चालक दलका चार सदस्यसहित ७७ जना लिएर त्रिभुवन विमानस्थलबाट उडेको बुद्ध एयरको जहाज विराटनगरमा अवतरण नगरी फर्कियो । सुरुमा त यात्रुहरु खासै डराएका…

म ‘बाहुन’ भएर होइन, क्रान्तिकारी भएर मर्न चाहान्छु : प्रचण्ड

काठमाडौँ । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले १० वर्षे जनयुद्धमा दलित समुदायको मुद्दा उठाएकै कारण अन्य पार्टीका नेताहरुले आफुलाई ‘दलित’को व्यबहार…