कहाँ गए वुहानमै छुटेका २२ महिने शिशुका आमाबुवा र बाँकी तीन जना पुरुष ?

गएको शुक्रबार चीनबाट स्वदेश फर्किन १ सय ८१ जना नेपाली वुहानमा जम्मा भएका थिए। तर उद्दार गर्न गएको नेपाल एयरलाइन्सको वाइडबडी जहाज १ सय ७५ जनालाई मात्र लिएर काठमाडौं फर्कियो।

बाँकी ६ जना वुहानमै छुटे। छुट्नेमा २२ महिने शिशुसहित आमाबुवा र बाँकी तीन जना पुरुष थिए। नेपाल उड्नुअघि मेडिकल जाँचमा शिशुका बुवाको शरीरको तापक्रम ३७.२ डिग्री सेन्टिग्रेडभन्दा माथि देखियो।

त्यसपछि उनलाई विमानस्थलले नेपाल जान दिएनन्। शरीरको तापक्रम ३७.२ भन्दा माथि देखिए चीन सरकारले त्यस्ता व्यक्तिलाई स्वदेश जान नदिने भनेको थियो।

श्रीमान नेपाल आउन नपाएपछि श्रीमती पनि नआउने भइन्। ‘उहाँहरु परिवारसहित त्यही दिन वुहानबाट आफ्नो विश्वविद्यालको होस्टेल फर्कनुभयो। होस्टेलसम्म छोड्न हामीले बसको व्यवस्था गरेका थियौं,’ चीनस्थित नेपाली दूतावासका उपप्रमुख सुशीलकुमार लम्सालले सेतोपाटीसँग भने।

बाँकी तीनजना पनि शरीरको तापक्रमकै कारण नेपाल आउन नपाएको लम्सालले बताए। तीनमध्ये दुईजना चिङ्चाओ र एकजना आङ्सोमा बस्छन्।

तीन जनाको परिवार वुहानमै बस्ने भएकाले त्यही दिन उनीहरुलाई पुर्याइएको जानकारी दिँदै लम्सालले भने, ‘बाँकी तीनजनालाई शुक्रबार बिहान वुहानबाट लग्यौं। उहाँहरु पनि हिजै आआफ्नो होस्टल पुगिसक्नु भो।’

उनले शरीरको तापक्रमका कारण नेपाल आउन छुटेका चार जनाकै तत्काल खकारको परीक्षण गर्दा नेगेटिभ आएको जानकारी दिए। उनीहरुको रगतको पनि परीक्षण गरिएको भन्दै त्यसको नतिजा भने मंगलबार आउने लम्सालले बताए।

दूतावासले सुरुमा नेपाल जान आव्हान गरेको निवेदनमा १ सय ८५ जना नेपालीले फाराम भरेका थिए। तर बाँकी चारजनाले स्वेच्छिक भन्दै नेपाल नजाने भनेर निवेदन फिर्ता लिएको उनले बताए।

नेपाल आउन छुटेका ६ जना र स्वेच्छाले नेपाल आउन नमानेका ४ जनालाई नै दूतावासले निरन्तर सम्पर्क गरिहेको लम्सालले बताए। ‘उहाँहरु आफ्नै विश्वविद्यालयको होस्टेलमा सेल्फ क्वारेन्टाइनमा हुनुहुन्छ। उहाँहरुलाई सबै ठिक छ। आत्तिनुपर्ने केही कुरा छैन,’ उनले भने।

वुहानबाट नेपाल ल्याइएका १ सय ७५ जना नेपालीलाई भने भक्तपुरको खरिपाटीस्थित विद्युत प्राधिकरणको तालिम केन्द्रमा राखिएको छ।

भर्खरै प्रकाशित

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…

सवै स्मार्ट फोनको एउटै चार्जर बनाउन युरोपेली संघको दबाब

ब्रसेल्स । युरोपेली संघले सवै स्मार्ट फोनमा एउटै प्रकारको चार्जर प्रयोग हुने व्यवस्था विश्वभरी गर्न दवाव दिएको छ। संघको यस दवावले विश्वभरी धेरै प्रयोग भएको…