वुहानबाट १७५ नेपाली बोकेर उड्यो जहाज, १० जना चीनमै रोकिए

काठमाडौं : चीनको वुहान अन्तराष्ट्रिय विमानस्थलबाट १७५ नेपाली बोकेर नेपाल एयरलायन्सको जहाज उडेको छ। कोरोना भाइरसको उद्गमस्थल चीनको वुहान प्रान्तको आसपासबाट वुहान अन्तराष्ट्रिय विमानस्थलमा जम्मा भएका १८५ नेपालीमध्ये १० जना चीनमै रोकिएका हुन्। १० जनामध्ये ६ जनामा उच्च ज्वरो देखिएपछि उनीहरु चीनमै रोकिएका छन्।

विमानस्थलमा उनीहरुको पहिलो चरणको स्वास्थ्य परीक्षण गर्दा कसैलाई पनि संक्रमण नदेखिएपनि दोस्रो चरणको परीक्षण गर्दा उच्च ज्वरो देखिएको पइचिङस्थित नेपाली दूतावासका उपप्रमुख सुशील लम्सालले जानकारी दिए। उनले स्वास्थ्य परीक्षणका क्रममा उच्च ज्वरो देखिएका ६ जनालाई विमानस्थलमै रोकिएको बताए। ‘उच्च ज्वरो आएका नेपालीलाई चीनमा नै चिकित्सकको निगरानीमा राखेर उपचार गरिन्छ’ लम्सालले भने।’ अन्य ४ जना भने स्वदेश फर्कन मानेनन्।

१८५ मध्ये १४३ छात्र छन् भने तीनजना बच्चासहितका ४२ छात्रा छन्। उनीहरु सबै वुहान आसपासका सहरबाट विमानस्थल आएका थिए। चीङचउ, चीङमन, वनसी, शयान, यिथाङलगायत सहरबाट उनीहरु बस चढेर विमानस्थलमा आइपुगेका हुन्। कतिपय विद्यार्थी विभिन्न ठाउँको परीक्षण पार गर्दै उनीहरु एयरपोर्ट आइपुगेका हुन्। कतिपयले एयरपोर्ट आइपुग्न १२ घण्टाको बस यात्रा गरेका थिए।

१८५ नेपालीमध्ये १७९ जना विद्यार्थी हुन्। एकजना भने कामदार भिसामा चीन गएका नेपाली हुन् भने अन्य चारजना चीन घुम्ने क्रममा वुहान पुगेका थिए। उनीहरुको साथमा तीनजना बालबच्चासमेत भएको पइचिङस्थित नेपाली दूतावासका उपप्रमुख बताए।

लामो कष्टपूर्ण दैनिकीबाट छुटकारा पाउने र स्वदेश फर्किने दिन आइपुगेपछि विद्यार्थीमा उत्साह देखिन्छ। नेपाल सरकारले आफ्नो कुरा सुनेर फर्काउँन लाग्दा खुसी लागेको उनीहरुको भनाइ छ।

‘ढिला भए पनि सरकारले अभिभावकत्व निर्वाह गरेको अनुभव गरेका छौँ’, वुहान विमानस्थलमा रहेकी नेपाली विद्यार्थी प्रमिला देवकोटाले भनिन्, ‘हामी सरकारले अगाडि सारेको मापदण्ड अनुसार नै नेपाल पुगेर बस्नेछौँ।’ उनी पीएचडी गर्न चीन पुगेकी हुन्। विद्यार्थी विमानस्थलमा पुग्दा त्यहाँ पूरै हिउँ परेको थियो।

नेपाल एयरलायन्सको अन्नपूर्ण जहाज त्रिभुवन अन्तर्राष्ट्रिय विमानस्थलबाट शनिबार दिउँसो चारबजे वुहानका लागि उडेको थियो। विद्यार्थी लिएर आउने जहाज राति २ बजेर १५ मिनेटमा जहाज काठमाडौंमा अवतरण हुनेछ। यी विद्यार्थीलाई नेपालले निःशुल्क एयरलिफ्ट गर्न लागेको हो।

भर्खरै प्रकाशित

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…

सवै स्मार्ट फोनको एउटै चार्जर बनाउन युरोपेली संघको दबाब

ब्रसेल्स । युरोपेली संघले सवै स्मार्ट फोनमा एउटै प्रकारको चार्जर प्रयोग हुने व्यवस्था विश्वभरी गर्न दवाव दिएको छ। संघको यस दवावले विश्वभरी धेरै प्रयोग भएको…

नेपालको परराष्ट्र नीति : खतिवडालाई देखेका बाइडेन पनि अब अर्को…

काठमाडौँ । अन्तर्राष्ट्रिय जगतमा नेपालको कूटनीतिक छवि कमजोर रहेको चर्चा बारम्बार हुने गर्छ । अरुको त के कुरा भूटानी शरणार्थीको सवालमा नै नेपाल भूटानसंग कुटनीतिक…