गच्छदारको बचाउ गर्दै कांग्रेसले चल्न दिएन संसद

काठमाडौं : प्रमुख प्रतिपक्ष दल नेपाली कांग्रेसले राजनीतिक प्रतिशोधका आधारमा अख्तियारले मुद्दा दायर गरेको आरोप लगाउँदै प्रतिनिधिसभाको बिहीबारको बैठक अवरुद्ध गरेको छ।

ललितानिवास जग्गा प्रकरणमा बुधबार अख्तियार दुरुपयोग अनुसन्धान आयोगले कांग्रेस उपसभापति विजयकुमार गच्छदारसहित १७५ जनालाई मुद्दा दायर गरेपछि कांग्रेसले बैठक अवरुद्ध गरेको हो।

तत्कालिन भौतिक योजनामन्त्री विजयकुमार गच्छदारलाई मुद्दा दायर गर्दै अख्तियारले ९ करोड ६९ लाख विगो माग गरेको छ।

वैठक अवरुद्ध भएपछि सभामुख अग्निप्रसाद सापकोटाले शुक्रबार दिउँसो १ बजेसम्मको लागि वैठक स्थगित गरेका छन्।

प्रतिपक्षी दल नेपाली कांग्रेसकी सांसद पुष्पा भुसालले विजय कुमार गच्छदारमाथि भ्रष्टाचार मुद्दा लगाइनु राजनीतिक प्रतिशोध भएको बताएकी छन् । अख्तियारले राजनीतिक दबाबमा परेर मुद्दा दायर गरेको उनको दावी थियो ।

बिहीबार बसेको प्रतिनिधिसभा बैठकलाई सम्बोधन गर्दै सांसद भुसालले यस्तो बताएकी हुन् । ललिता निवास जग्गा प्रकरणमा संलग्न अन्य मन्त्री तथा व्यक्तिमाथि अहिलेको सरकार मौन रहेकोमा नेत्री भुसालले गुनासो गरेकी थिइन् ।

लोकतन्त्रमा सबैलाई समान व्यवहार गरिनुपर्नेमा लोकतान्त्रिक संघर्ष गरेका नेतामाथि अन्याय भएको भुसालको भनाइ छ । यस घटनाप्रति प्रतिपक्षी दलको गम्भीर ध्यानाकर्षण भएको उनले बताइन् ।

माधव नेपाल प्रधानमन्त्री छँदा गच्छदार भौतिक तथा निर्माणमन्त्री थिए । सांसद भुसालले भने सरकारी जग्गा अपचलन प्रकरणमा तत्कालिन प्रधानमन्त्री नै जिम्मेवार हुनुपर्ने तर्क गरेकी थिइन् ।

सांसद भुसालले बोलेपछि प्रतिपक्षी दलको विरोधसँगै सभामुख अग्नि सापकोटाले भोलि १ बजेसम्मका लागि संसद बैठक स्थगित गरेका हुन् ।

भर्खरै प्रकाशित

के भुवन केसी र शिव श्रेष्ठले राजेश हमाललाई ‘महानायक’ मान्न…

एक दशक अगाडि नायक राजेश हमाललाई नेपाल चलचित्र प्राविधिक संघले दिएको ‘महानायक’को उपाधि अझै पनि विवादित छ । न त, यो विवादमा नायक हमालले आफूलाई…

कालो धन ल्याउन दिँदैनौं, यसले विपत्ति ल्याउँछ : ओली

१२ असोज, काठमाडौं । नेकपा एमालेका अध्यक्ष केपी शर्मा ओलीले सरकारले बजेटमार्फत कालोधनलाई सेतो बनाउन खोजेको भन्दै आपत्ति जनाएका छन् । मंगलबार प्रमुख सञ्चार माध्यमका…

पाकिस्तान फर्किएपछि अफ्रिदीले भने– ‘नेपालमा रहँदा घरजस्तै महसुस भयाे’

काठमाण्डाै – एभरेस्ट प्रिमियर लिग ईपीएल खेल्न नेपाल आएका पाकिस्तान क्रिकेट टिमका पूर्वकप्तान शाहिद अफ्रिदी पाकिस्तान फर्किसकेका छन् । पाकिस्तान फर्किएपछि सामाजिक सञ्जालमा ट्वीट गर्दै…

माओवादी नेता पुनलाई उपचार गर्न बैंकक लगिने

१२ असोज, काठमाडौं । नेकपा माओवादी केन्द्रका नेता वर्षमान पुन अनन्तलाई उपचारका लागि थाइल्याण्डको बैंकक लगिने भएको छ । उनलाई बुधबार बिहान बैंकक लगिने पारिवारिक…

ल्यान्डिङ गियरमा समस्या देखिएको बुद्ध एयरले जहाज उड्यो, जाँच गर्दा…

काठमाडौँ । ल्यान्डिङ गियरमा समस्या देखिएपछि सोमबार विराटनगर अवतरण नगरी काठमाडौं फर्केको बुद्ध एयरले एटीआर ‘अल्फा नोभेम्बर इन्डिया’ जहाज प्राविधिकहरुले जाँचेपछि उडाउन सुरु गरेको छ…