रेशम चौधरीमाथी लगाएको मुद्दा फिर्ता नलिए फागुनदेखि आन्दोलनको सुनामी ल्याउछौं : लक्ष्मण थारु

उदयपुर- थरुहट–थारुवान राष्ट्रिय मोर्चाका अध्यक्ष लक्ष्मण थारुले नेपालको संविधान जनभावना अनुकुल संशोधन नभएसम्म हरेक असोज ३ गते संविधान जलिरहने बताएका छन्। उदयपुरको जोगीदहमा आइतबारदेखि सुरु ‘थरुहट थारुवान राष्ट्रिय महिला सम्मेलन’को उद्घाटन गर्दै थारुले देशवासीको जनभावना अनुसार संविधान संशोधन गर्नुपर्ने माग गरे।

०७२ असोज ३ गते घोषित नेपालको नयाँ संविधानमा थारु, मधेसी र आदिवासी जनजातिको हक अधिकार र ऐतिहासिक जनआन्दोलनले निर्दिष्ट गरेका विषयहरु धेरै छुटेको भन्दै उनले ती कुराहरु समेटेर छिटटै संविधान संशोधन गर्नुपर्ने माग गरे। जनभावना अनुसार संविधान संशोधन नभएसम्म पटकपटक जलिरहने चेतावनी थारुले दिए। ‘संविधानमा १० वर्षे जनयुद्ध, १९ दिने ऐतिहासिक जनआन्दोलन र पटकपटक भएका मधेसी, थारु, जनजाति आन्दोलन र राज्यसँग भएको सम्झौता र सहमति समेटिएको छैन’ थारुको चेतावनी थियो ‘ती कुराहरु समेटेर संशोधन नभएसम्म हरेक असोज ३ गते संविधान जलिरहनेछ।’

उनले संविधान संशोन नभएसम्म त्यसको विरोध गर्दा शासकले सके जेल हालोस् नसके आन्दोलन भईरहने चेतावनी पनि दिए। संविधानको धारा ५६ पल्टाएर हेर्न प्रधानमन्त्रीलाई सुझाउँदै थारुले धारा ५६ को उपधारा ५ बमोजिम ‘भाषिक, सामुदायिक र सांस्कृतिक स्वायत्तता दिने’ उल्लेख भएको कुरालाई कुनै पनि आदिबासी जनजातिले स्वायत्तता नपाएको गुनासो गरे। थारु स्वायत्तता नदिएको संविधानलाई थारुहरुले मानिरहनु पर्ने कुनै बाध्यता नभएको उनको भनाइ थियो। संविधान जस्ताको तस्तै मान्न तयार नभएको भन्दै संशोधन नभएसम्म मेचीदेखि महाकालीसम्मका थारुहरु जुटेर आन्दोलनको ज्वारभाटा सिर्जना गरिरहने चेतावनी उनको थियो।

थारुले टीकापुरको आन्दोलन थरुहट आन्दोलनकै सिलसिलामा भएको भन्दै तर, सो घटनालाई जातिय हिंसासँग जोडेर जननिर्वाचित सांसद रेशम चौधरीलगायत २७ जनामाथि राज्यले झुटो मुद्दा लगाएकको आरोप लगाए। उनले उनीहरुमाथिको मुद्दा तत्काल फिर्ता गर्न माग गर्दै फिर्ता नलिए फागुनदेखि आन्दोलनको सुनामी ल्याउने चेतावनी दिएका छन्।

कार्यक्रममा मोर्चाका केन्द्रीय सल्लाहकार तथा थारु कल्याणकारिणी सभाका पूर्व महासचिव राजकुमार लेखीले थरुहट अभियान जाति, समुदाय वा कुनै पार्टीविरुद्ध नभएको भन्दै संघीय, प्रदेश र स्थानीय सरकारमा थारु नेतृत्वको कमी पूरा गर्न चलाइएको बताए। उनले थारु समुदायमा नेतृत्व स्थापित गर्नका लागि चलाइएको अभियान तराईका २४ वटै जिल्लामा सम्पन्न भईसकेको जानकारी दिए। माग सरकारले पूरा नगरेसम्म अभियान चलिरहने उनले बताए।

कार्यक्रममा मोर्चाका केन्द्रीय महासचिव तुलसी चौधरी, त्रियुगा नगर उपप्रमुख देवीकुमारी चौधरी, चौदण्डीगढी नगर उपप्रमुख रीताकुमारी चौधरी र मोर्चाका केन्द्रीय सदस्यहरुलगायतले थरुहट आन्दोलनलाई राजनीतिक आन्दोलनमा विकास गरेर अधिकार प्राप्तीको माध्याम बनाउनुपर्नेमा जोड दिएका थिए।

सम्मेलन उद्घाटनको अवसरमा दक्षिण एसियाली गेम (साग) मा विजेता बिभिन्न १६ थारु पदकधारी खेलाडीलाई सम्मान गरिएको थियो। सम्मेलनमा थरुहट थारुवान राष्ट्रिय मोर्चाका लगायतले सम्मेलनको सफलताको शुभकामना दिएका थिए।

भर्खरै प्रकाशित

कतारमा गोल्डस्टार जुत्ताको शोरुम, अनलाइनबाट पनि किन्न सकिने

काठमाण्डाै । स्वदेशी उत्पादनबाट नै देशको औद्योगिक क्षेत्रमा सफल स्थान बनाउन सफल गोल्ड स्टार फुटवेयरको कतारमा पनि बिक्री सुरु हुने भएको छ । अहिले कतार…

के भुवन केसी र शिव श्रेष्ठले राजेश हमाललाई ‘महानायक’ मान्न…

एक दशक अगाडि नायक राजेश हमाललाई नेपाल चलचित्र प्राविधिक संघले दिएको ‘महानायक’को उपाधि अझै पनि विवादित छ । न त, यो विवादमा नायक हमालले आफूलाई…

कालो धन ल्याउन दिँदैनौं, यसले विपत्ति ल्याउँछ : ओली

१२ असोज, काठमाडौं । नेकपा एमालेका अध्यक्ष केपी शर्मा ओलीले सरकारले बजेटमार्फत कालोधनलाई सेतो बनाउन खोजेको भन्दै आपत्ति जनाएका छन् । मंगलबार प्रमुख सञ्चार माध्यमका…

पाकिस्तान फर्किएपछि अफ्रिदीले भने– ‘नेपालमा रहँदा घरजस्तै महसुस भयाे’

काठमाण्डाै – एभरेस्ट प्रिमियर लिग ईपीएल खेल्न नेपाल आएका पाकिस्तान क्रिकेट टिमका पूर्वकप्तान शाहिद अफ्रिदी पाकिस्तान फर्किसकेका छन् । पाकिस्तान फर्किएपछि सामाजिक सञ्जालमा ट्वीट गर्दै…

माओवादी नेता पुनलाई उपचार गर्न बैंकक लगिने

१२ असोज, काठमाडौं । नेकपा माओवादी केन्द्रका नेता वर्षमान पुन अनन्तलाई उपचारका लागि थाइल्याण्डको बैंकक लगिने भएको छ । उनलाई बुधबार बिहान बैंकक लगिने पारिवारिक…