मलाई प्रदेश-२ नेपालमै छ कि छैन भन्नेमा शंका लाग्यो : मुख्यमन्‍त्री राउत

प्रदेश दुइका मुख्यमन्त्रि लालबाबु राउतले संघीय सरकारले प्रदेश अनुसार पक्षपात ढंगको व्याहार गरेको आरोप लगाए। संघीय सरकारको दाहोरो चरित्रका कारण  देश-२ नेपालमै छ कि छैन भन्नेमा शंका लागेको बताएका हुन।

नेपाल साहित्य उत्सवमा ‘प्रदेश वा परदेश’ शीर्षकमा भएको छलफलमा मुख्यमन्त्री राउतले देश भौगोलिक रूपमा एकीकरण भए पनि भावनात्मक रूपमा एकीकरण हुन नसकेकाले द्वन्द्वको अवस्थाको निम्तिएको बताए।

देशको अन्य सबै प्रदेशमा एक पार्टीको सरकार र प्रदेश-२ मा मात्रै फरक पार्टीको सरकार रहेकाले संघ सरकारले यहाँको सरकारलाई समान व्यवहार गर्न नसकेको आरोप उनको छ। मुख्यमन्त्री राउतले बजेट उपलब्ध गराउनेदेखि अन्य सुविधाका विषयमा प्रदेश-२ सरकारसँग फरक व्यवहार भएको गुनासो गरे।

‘बजेट बाँड्ने बेलामा सबै प्रदेशलाई समान रकम दिइन्छ, पछि अन्य रकम भित्र-भित्रै उपलब्ध गराउँदा प्रदेश-२ छोडेर उपलब्ध गराइन्छ, के यो समान व्यवहार हो ?’, मुख्यमन्त्री राउतले भने, ‘म अमेरिका जानका लागि रहदानी बनाउने प्रकृया अगाडि बढाएको छु, मेरो बन्न सकेन तर शेरधन राईलगायतका अन्य मुख्यमन्त्री कयौं पटक विदेश भ्रमण गरेर आइसके, के यो असमान व्यवहार होइन र ?’

संघ सरकारले खुट्टा तान्ने प्रवृत्ति नछोडेसम्म संघीयता कार्यान्वयन र देशको विकास सम्भव हुन नसक्ने उनको भनाइ थियो। ‘बाँकी प्रदेशको पीडा पनि यही छ। तर, अन्य प्रदेशका मुख्यमन्त्री बन्द कोठाभित्र मात्रै बोल्छन्, म मञ्चमै बोल्छु।’

संघ सरकारप्रति आक्रामक रूपमा प्रस्तुत भएका मुख्यमन्त्री राउतले प्रदेशमा कर्मचारी अभावको देखाउँदै संघले प्रदेशलाई पठाएको कर्मचारीसमेत काम नलाग्ने वा रिटायर्ड हुन लागेका भएको आरोप लगाए। उनले संघीयता नरुचाउने कर्मचारीका कारण देश विकास हुन नसकेको दाबी गरे।

‘प्रदेश वा परदेश’ शीर्षकमा मुख्यमन्त्री राउतले पत्रकार सुधीर शर्मासँग बहस गरेका हुन्।

भर्खरै प्रकाशित

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…

सवै स्मार्ट फोनको एउटै चार्जर बनाउन युरोपेली संघको दबाब

ब्रसेल्स । युरोपेली संघले सवै स्मार्ट फोनमा एउटै प्रकारको चार्जर प्रयोग हुने व्यवस्था विश्वभरी गर्न दवाव दिएको छ। संघको यस दवावले विश्वभरी धेरै प्रयोग भएको…