महरालाई भेट्न पार्टीका शीर्ष नेताहरु किन गएका छैनन् ?

काठमाडौं । एक महिलालाई जबर्जस्ती करणी गरेको आरोपमा सभामुख पदबाट राजीनामा दिएका कृष्णबहादुर महरालाई भेट्न पार्टीका शीर्ष नेताहरुमध्ये कोही पनि गएका छैनन् ।

पक्राउ परेलगतै अस्वस्थ्य भएका महरा नर्भिक अस्पतालमा उपचार गराइरहेका छन् । विगतको भन्दा स्वास्थ्यमा केही सुधार भए पनि उनको उपचार जारी छ । प्रतिपक्षी दल कांग्रेसका नेता कृष्ण सिटौला, नेपाल कम्युनिस्ट पार्टी (नेकपा) का स्थायी समिति सदस्य अग्नि सापकोटा, मातृका यादव, देव गुरुङ लगायतका नेताहरुले महरालाई भेटेको भएपनि नेकपाका शीर्ष तहका नेता अर्थात् सचिवालयका सदस्यमध्ये कोही पनि नगएको महराका छोरा राहुलले बताए ।

संसद सचिवालयमा कार्यरत रोशनी शाहीको घरमा गएर जवर्जस्ती करणी गरेको आरोप महरामाथि लागेको छ । सो घटनाको बारेमा प्रहरीले जाँचबुझ गरिरहेको छ भने सरकारी वकिल कार्यालयले बयान पनि लिइरहेको छ ।

महरामाथि लागेको आरोप प्रमाणित भएको छैन । तर पार्टीका शीर्ष नेताहरु बदनाम हुने डरले भेट्न नगएको पार्टी स्थायी समितिका एक नेताले बताए । ती नेताले भने, ‘नेकपाले सरकारको नेतृत्व गरिरहेको छ, महराजीमाथि आरोप लागेको छ, छानविन चलिरहेको छ, कोही शीर्ष नेता भेट्न गए भने अनुसन्धानलाई प्रभावित पार्न आएको भनि आरोप लाग्न सक्छ । त्यही डरले शीर्ष तहका नेताहरु उहाँलाई भेट्न नगएको हुनसक्छ ।’
महरा पार्टीको शीर्ष नेतामध्येका एक हुन्, अपराध जस्तो गरे पनि अस्वस्थ्य भएका छन् भने मानवीय हिसाबले पनि उनलाई भेट्न जानुपर्ने कतिपय नेताको टिप्पणी छ ।

महरालाई एनजीयोग्राफी गराइएको छ । थोरै सुधार देखिए पनि प्रेसर नियन्त्रण हुन नसकेको उनका छोरा राहुलले बताए ।

भर्खरै प्रकाशित

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…

सवै स्मार्ट फोनको एउटै चार्जर बनाउन युरोपेली संघको दबाब

ब्रसेल्स । युरोपेली संघले सवै स्मार्ट फोनमा एउटै प्रकारको चार्जर प्रयोग हुने व्यवस्था विश्वभरी गर्न दवाव दिएको छ। संघको यस दवावले विश्वभरी धेरै प्रयोग भएको…